स्थलगत सञ्चालनमा नभएका १०७ विद्यालयलाई १५ दिनभित्र सम्पर्कमा आउन आग्रह, नआए खारेज गर्ने काठमाडौं महानगरको चेतावनी
८ पौष, काठमाडौं । काठमाडौं महानगरमा दर्ता भएका १०७ वटा विद्यालय स्थलगत सञ्चालनमा भेटिएका छैन् । सञ्चालनका लागि दर्ता भएका ती विद्यालय अनुगमनका क्रममा फिल्ड (स्थलगत)मा नभेटिएको महानगरले जनाएको छ ।
महानगरले ती विद्यालयलाई सम्पर्कमा आउन भनेको छ ।
वेबसाइटमा प्रकाशित सूचीबमोजिमका विद्यालयहरू स्थलगत रूपमा सञ्चालनमा रहेको भए सम्बन्धित विद्यालयका प्रधानाध्यापकरसञ्चालकरव्यवस्थापक र गुठीयारले यो सूचना प्रकाशन भएको मितिले १५ (पन्ध्र) दिनभित्र काठमाडौं महानगरपालिका शिक्षा विभाग, कमलादीमा सम्पर्क गरी सोको पुष्टि गर्नुहुन सूचनामा उल्लेख छ ।
अन्यथा काठमाडौं महानगरपालिका शिक्षा ऐन, २०७५ दफा १३ (ट) बमोजिम विद्यालय बन्दका लागि कार्यपालिकामा सिफारिस गरिने सूचनामा भनिएको छ ।
काठमाडौं महानगरपालिका नगर शिक्षा समितिले मिति गत २८ साउनको निर्णयबमोजिम विगतमा अनुमति पाई सञ्चालन भएका तर हाल स्थलगत रूपमा सञ्चालनमा नरहेका विद्यालयहरूको अनुमति खारेजीका लागि शिक्षा विभागले स्थलगत रूपमा अनुगमन, रुजु, एकिन गरी अनुमति खारेजीका सम्बन्धमा आवश्यक निर्णय हुन कार्यपालिकामा पेस गर्ने निर्णय गरेको थियो ।
