जेठ ७, काठमाडौं । काठमाडौं महानगरपालिका–८ स्थित गौशालामा एक बस अनियन्त्रित भएर दुर्घटना हुँदा अन्य ७ सवारी एक आपसमा ठोक्किएका छन् ।
गौशालाबाट तिलगंगातर्फ जाँदै गरेको बा ५ ख ६७३५ नम्बरको बाबा गोकर्णेश्वर यातायातको बस अनियन्त्रित भएर दुर्घटना हुँदा अन्य सवारीसाधनहरू एक आपसमा ठोक्किएका हुन् । करिब १२ बजेतिर बसदेखि, हायस, कार, मोटरसाइकल आपसमा ठोक्किएर दुर्घटनामा परेको जिल्ला प्रहरी परिसर काठमाडौंका एसपी तथा प्रवक्ता अपीलराज बोहराले बताए ।
दुर्घटनामा घाइतेहरूलाई उद्धार गरेर केएमसी अस्पताल पठाइएको बोहराले जानकारी दिए ।
दुर्घटनामा बा ५१ प २२ नम्बरको मोटरसाइकलका चालक धादिङ ज्वालामुखी गाँउपालिका–१ घर भई टोखा बस्ने ३२ वर्षीय राजकुमार श्रेष्ठ, बा ५१ प २२ नम्बरको मोटरसाइकल पछाडि सवार नुवाकोट टाडी गाँउपालिका–२ का २२ वर्षीय विकाश कट्टेल, प्रदेश–२–०१–००३ प १००५ नम्बरको मोटरसाइकल चालक खोटाङ हलेसी तुवाचुङ नगरपालिका– ५ का ३७ वर्षीय शैलेन्द्र राई घाइते भएका छन् ।
अनियन्त्रित भएको बस बाबा गोकर्णेश्वर यातायातको चालक भने फरार छन् । बा ५ ख ७३१ नं को हायस, (चालक काभ्रे घर हुने बर्ष ३४ को रक्तिम लामा), बा.प्र–०१–०२६ च ८५७६ नं को कार, (चालक सिन्धुपाल्चोक घर हुने बर्ष २७ को राम तामाङ), B AC ९७७३ नं को कार, (चालक वर्ष ५३ को त्रिरत्न प्रजापती, बा १६ च ४४५२ नं को कार चालक काठमाडौं टोखा घर हुने बर्ष ४१ को प्रेम प्रसाद गेलाल), प्र–२–०१–००३ प १००५ नं को मोटरसाइकल (चालक काठमाडौं कोटेश्वर बस्ने बर्ष ३७ वर्षीय शैलेन्द्र राई), बा ५१ प २२ नं को मोटरसाइकल, (चालक काठमाडौं टोखा बस्ने ३२ वर्षीय राजकुमार श्रेष्ठ), बा.प्र–०२–०४६ प ४८१९ नं को स्कुटर (चालक भक्तपुर घर हुने १९ वर्षीय स्मिता ढुङगेल) नियन्त्रणमा रहेका छन् ।
