चैत १२, काठमाडौं । गोकर्णेश्वर महादेव मन्दिर परिसरमा भईरहेको श्रीमद्भागवत सप्ताह ज्ञान महायज्ञमा चैत १४ गते सवा करोड दिप प्रज्वलन हुने भएको छ । दिप प्रज्वलन कार्यक्रम बेलुका ४ बजेबाट शुरु हुनेछ ।

चैत्र ७ गतेबाट शुरु भएको महायज्ञको १४ गते कथा श्रवणसँगै भागवतमा तील चढाउने र सवा करोड दिप प्रज्वलन हुनेछ ।

गोकर्णेश्वर महादेव मन्दिर परिसरमा विश्व शान्ति तथा पितृ उद्धारका लागि सवा करोड दिप प्रज्वलन कार्यक्रमका लागि बत्ति लगेर बाल्नका लागि नाम टिपाउन आयोजकले श्रद्धालु भक्तजनलाई आग्रह गरेका छन् ।

महायज्ञमा प्रत्येक दिन बिहान ७ बजेबाट साढे ९ बजेसम्म पूजा, पाठपारायण हवन, रुद्री चण्डी भईरहेको छ भनें बेलुकी ७ बजे देखि ९ बजेसम्म ख्यातिप्राप्त कलाकारहरुबाट भजन कीर्तन तथा महात्म्य र झाँकी प्रस्तुत भईरहेको छ ।

नेपालकै अग्लो १११ फिट अग्लो (उच्च) त्रिशुल निर्माण तथा किरातेश्वर महादेव मन्दिर तथा आश्रम निर्माणार्थ आयोजना हुन लागेको महायज्ञको प्रमुख वाचक प्रखर पण्डित कपिलदेव भट्ट महाराज रहनु भएको छ । महायज्ञको आयोजना खिजी देम्बा मन्दिर संरक्षण समिति ओखलढुंगाको रहेको छ भनें विश्व हिन्दू युवा संघको समन्वय रहेको छ ।

चैत १५ गते बिहान ७ बजे वाचक तथा ब्राम्हणहरुलाई बिदाई गर्ने कार्यक्रम रहेको छ ।