भारत तमिलनाडुमा शिव मन्दिरमा कृत्रिम ‘रोबट हात्ती’
चैत्र २१, काठमाडौं । भारतमा मन्दिरका लागि एक जना भक्तले कृत्रिम ‘रोबट हात्ती’ उपहार दिएकी छन् । क्यानाडाकी सङ्गीता अय्यरले नीलगिरी जिल्लामा अवस्थित देवशोला शिव मन्दिरमा कृत्रिम ‘रोबट हात्ती’ उपहार दिएकी हुन् ।
विशेषगरी हात्तीलाई हानी नपु¥याउने र कतिपय समयमा हात्तीले मन्दिरको मेलामा आउनेलाई रिसाएर आक्रमण गर्ने भएकोले सोको रोकथाम तथा मन्दिरमा हात्तीको प्रयोग गर्ने प्रचलन बन्द गर्न भारु १२ लाख बराबरको सो हात्ती उपहार दिएकी हुन् ।
‘रोबट हात्ती’ले वास्तविक हात्तीजस्तै पुच्छर, कान हल्लाउने, सुँडबाट पानी छर्कने र आँखा दायाँबायाँ गर्ने गर्दछ । भारतमा वास्तविक हात्तीलाई भगवान् गणेशको प्रतीकको रुपमा पूजा गर्ने प्रचलन छ । दक्षिण भारतको तमिलनाडु र केरला राज्यमा विभिन्न जात्रा र अन्य अवसरमा हात्ती प्रयोग गर्ने गरिन्छ । यी दुवै राज्यका रहेका केही मन्दिरमा हात्तीलाई कडा निगरानीमा तालिम दिएर पाल्ने समेत गरिएको छ । हात्तीलाई मानवको इच्छाअनुसार चल्नुपर्ने हुन्छ । तर, कतिपय अवस्थामा विशेष गरी जात्राहरुमा विभिन्न बाजागाजाको ठूलो आवाजले हात्तीहरु अनियन्त्रित हुन जान्छ । जसले मानव हात्तीबीच द्वन्द्व सिर्जना गर्दछ । यस्ता गतिविधि, द्वन्द्व ननिम्त्याउन र हात्तीलाई हानी नपु¥याउने उद्देश्यले मन्दिर ‘रोबट हात्ती’ राखिएको हो ।