तालिबानका प्रवक्ता जबिहुल्लाह मुजाहिद शान्ति चाहदै
भदौ २, काठमाडौं । काबुलमा मंगलबार आयोजित पत्रकार सम्मेलनमा तालिबानले आफूहरुविरुद्ध लडेका सबैलाई आम माफी दिइएको जनाएको छ । सोही सम्मलेनमा तालिबानले महिलाहरुको हक तय गर्न आफूहरु प्रतिबद्ध रहेको पनि जानकारी दिएका छन् ।
तालिबानविरुद्ध लडेका सबैलाई माफ गरिदिएको बताउँदै उनले अब दुश्मनी समाप्त भएको बताएका छन् । उनले अफगानिस्तानमा स्थिरता वा शान्तिका लागि सबैलाई माफ गरिदिइएको बताएका छन् । अब आफूहरुले कुनै पनि शत्रु नचाहेको जनाउँदै तालिबानले अन्तर्राष्ट्रिय समुदायसँग मिलेर काम गर्न चाहेको बताएका छन्।
महिला अधिकारको बारेमा उठिरहेको प्रश्नमा महिलाहरुलाई आफ्नो व्यवस्थामित्र रहेर काम गर्ने र पढ्ने अनुमति दिने तालिबानले बताएका छन् । उनले महिलाहरु समाजमा निकै सक्रिय हुने छन् भनेर दावी गरेका छन् ।
शरिया कानुन अनुसार महिलाहरुको हक तय गर्न आफूहरु प्रतिबद्ध रहेको उनले जानकारी दिएका छन् । उनले भने, “महिलाहरु हामीसँग काँधमा काँध मिलाएर काम गर्नेछन् । हामी अन्तर्राष्ट्रिय समुदायलाई भरोसा दिलाउन चाहन्छौं कि उनीहरुसँग कुनै भेदभाव गरिने छैन ।”
तालिबानका प्रवक्ता जबिहुल्लाह मुजाहिदले विदेशीलाई निकालेर २० वर्षपछि देश मुक्त भएको बताएका छन् ।
तालिबान प्रवक्ता जबिहुल्लाह मुजाहिदले नयाँ सरकार गठनको तयारी गरिरहेको बताउँदै केही दिनमै सरकार गठन हुने जानकारी दिएका छन् ।