असार १२, काठमाडौं । आईसीसी एकदिवसीय क्रिकेट विश्वकपको ‘ट्रफी टुर’ सोमबार ९हिजो०देखि सुरु गरिएको छ । एक लाख २० हजार फिटमाथिबाट ट्रफी सार्वजनिक गर्दै टुरको सुरुआत गरिएको हो । आईसीसीले उक्त उचाइमा ट्रफी सार्वजनिक गरेपछि भारतको अहमदाबादस्थित नरेन्द्र मोदी क्रिकेट रंगशालामा राखिएको थियो । एकदिवसीय विश्वकप यसै वर्षको अक्टोबर र नोभेम्बरमा भारतमा हुने तय छ । तर, तालिका हालसम्म सार्वजनिक गरिएको छैन । आईसीसीको ट्रफी पाँच महादेशका १८ देशमा पुर्‍याइनेछ । योपटक ‘ट्रफी टुर’को सूचीमा नेपाल पारिएको छैन । ट्रफीलाई बहराइन, कुवेत, मलेसिया, पपुवा न्युगिनी, नाइजेरिया, युगान्डा, फ्रान्स, इटाली र अमेरिका घुमाइनेछ । विश्वकप ‘ट्रफी टुरको तालिका जुन २७ – जुलाई १४ : भारत जुलाई १५–१६ : न्युजिल्यान्ड जुलाई १७–१८ : अस्ट्रेलिया जुलाई १९–२१ : पपुवा न्युगिनी जुलाई २२–२४ : भारत जुलाई २५–२७ : अमेरिका जुलाई २८–३० : वेस्ट इन्डिज जुलाई ३१–४ अगस्ट : पाकिस्तान अगस्ट ५–६ : श्रीलंका अगस्ट ७–९ : बंगलादेश अगस्ट १०–११ : कुवेत अगस्ट १२–१३ : बहराइन अगस्ट १४–१५ : भारत अगस्ट १६–१८ : इटाली अगस्ट १९–२० : फ्रान्स अगस्ट २१–२४ : इंग्ल्यान्ड अगस्ट २५–२६ : मलेसिया अगस्ट २७–२८ : युगान्डा अगस्ट २९–३० : नाइजेरिया अगस्ट ३१ – सेप्टेम्बर ३ : दक्षिण अफ्रिका ।