२७ भाद्र, काठमाडौं । श्री बौद्धनाथ क्षेत्र विकास समितिले शैक्षिक कार्यक्रम अन्तर्गत कक्षा ११ मा अध्ययनरत छात्रछात्राको छात्रवृत्ति नतिजा सार्वजनिक गरेको छ। बौद्धनाथ क्षेत्र भित्र बिद्यार्थीहरू आर्थिक अभावका कारण विद्यार्थीले उच्च माध्यमिक तहसम्मको शैक्षिक अवसरबाट वञ्चित हुन नपरोस् भन्ने उद्देश्यले समितिले शिक्षासम्बन्धी छात्रवृत्ति वितरण व्यवस्थापन गरेको हो । समितिले नगरपालिकाको वडाभित्र रहेका संस्थागत विद्यालयमा कक्षा ११ मा अध्ययन गर्न चाहने ४४ जना छात्रछात्रालाई छात्रवृत्तिका लागि श्रावण मसान्तसम्म आवेदन माग गरेको थियो । आवेदनका लागि महानगरको ६ नं वडाभित्र रहेका संस्थागत विद्यालयमा अध्ययन गर्न चाहने गरिब, असहाय, विपन्न तथा जेहेन्दार विद्यार्थीलाई श्रावण ११ गते आवेदन आव्हान गरिएकामा निर्धारित समय भित्र ६७ जना छात्रछात्राको आवेदन परेको थियो । श्री बौद्धनाथ क्षेत्र विकास समितिको शिक्षा सम्बन्धी छात्रवृत्ति वितरण व्यवस्थापन कार्यविधि २०८० अनुसार समितिमा रीतपूर्वक दर्ता हुन आएका ६७ जना बिद्यार्थीहरूमध्ये ४४ जना बिद्यार्थीहररूलाई छात्रवृत्ति व्यवस्थापन उप समितिको छनौट प्रतिबेदन अनुसार समितिको मिति २०८० साल भाद्र २४ गतेको बोर्ड बैठकको निर्णय बमोजिम निम्न बिद्यार्थीहरूलाई छात्रवृत्ति उपलब्ध गराउन स्वीकृत गरिएको सार्वजनिक सुचना मार्फत समितिले जानकारी गराएको छ ।