२२ मंसिर, काठमाडौं । शंखरापुर नगरपालिका शिक्षा, युवा तथा खेलकूद शाखाले स्थानीय पाठ्यक्रममा कुनै त्रुटी भए सुझाव दिन आग्रह गरेको छ । शाखाले बुधबार अनुरोध पत्र (विज्ञप्ति) जारी गर्दै जनप्रतिनिधि तथा नगरवासीहरुलाई सो अपिल गरेको हो । पाठ्यपुस्तक लेखन कार्य २०७८ असार भित्र भएको र छपाई कार्य २०८० सालमा मात्र भएको अवगत गराउदै शाखाले लेखाई एवम् छपाईको क्रममा भएको प्राविधिक, गल्ती त्रुटी, फरक परेका वा छुट भएका अंश र चित्र, तथ्याङ्क्रिय प्रस्तुती अर्थात वाक्य वा वाक्याशंको सम्बन्धमा स्थानीय जानकार वा विज्ञसंग सम्पर्क र परामर्शमा अर्थ र भावमा फरक नपर्ने गरी शिक्षण सिकाई सहजीकरण गर्न अनुरोध गरेको छ । शाखाले प्रचलित राष्ट्रिय पाठ्यक्रम प्रारुप २०७६ ले निर्दिष्ट गरे वमोजिम यस शंखरापुर नगरपालिकाले आधारभुत तह कक्षा १ देखि ८ सम्मका लागि १०० पूर्णाङ्क वरावरको स्थानीय विषयको रुपमा “हाम्रो शंखरापुर” स्थानीय पाठ्यक्रम निमार्ण भई विगत शैक्षिक सत्र देखि लागू गरिएकोमा शैक्षिक सत्र २०८० देखि स्थानीय विषय अनिवार्यरुपमा पठनपाठन गर्ने प्रावधान रहेको र सोही मुताविक नगरपालिकाले पूर्ववत तयार गरेको वा भएको कक्षा १ देखि ८ सम्मका पाठ्यपुस्तकहरु छपाई गरी परीक्षणको लागि नगरपालिकाका सवै विद्यालयमा उपलब्ध गरी गराई कार्यान्वयन भईरहेको समेत जनाएको छ । जारी विज्ञप्तिमा भनिएको छ– “सबै विद्यालयहरुमा उक्त विषय अध्यापन गर्ने शिक्षकहरुबाट उल्लेखित विषयमा सुझाव माग गरेका छौ र सो प्राप्त भए पश्चात सच्चाई वा परिमार्जन गरी पुनः छपाई गरी अगामी शैक्षिक सत्रमा संशोधित पाठ्यपुस्तक वा परिमर्जित अंश उपलब्ध गराईने कार्यक्रम रहेको छ । अन्तमा यहाँहरुवाट राखिएका जिज्ञासा र सुझावको स–सम्मान सो त्रुटी वा फरक परेको अंश वा चित्र वा वाक्याशं प्राप्तीको अपेक्षा सहित यहाँहरु सबै जनप्रतिनिधि, नगरवासी र पाठकवर्गमा अग्रीम धन्यवाद र आभार व्यक्त गर्दछौ ।”