पुष २४, काठमाडौं । काठमाडौँको बिजुलीबजारस्थित चक्रवर्ती कलेजका सञ्चालक देवेन्द्र भण्डारीमाथि उनका छोरा निरज भण्डारीसहित २४ जनाको समूहले कुटपिट गरेको छ। उनलाई छोरासहितको समूहले कलेज विवादमा सोमवार दिउँसो धारिलो हतियार प्रहार गरेर घाइते बनाएको प्रहरीले जानकारी दिएको छ।
घाइते भण्डारीको थापाथलीस्थित नर्भिक अस्पतालमा उपचार भइरहेको छ।
कलेज स्रोतका अनुसार, भण्डारी बाबुछोराबीच कलेज सञ्चालनका विषयलाई लिएर केही समयदेखि विवाद हुँदै आएको तथा सोमवारदेखि छोराले कलेज व्यवस्थापनको सबै जिम्मा लिने बताउँदै आएका थिए। छोरा निरजले ‘देबेन्द्र भण्डारीलाई प्रवेश निषेध’ लेखेको ब्यानरसमेत कलेज परिसरमा टाँसेका थिए।
यसबारे प्रहरीले थप अनुसन्धान गरिरहेको जानकारी दिएको छ।
पक्राउ पर्ने अन्यमा कैलालीका धिर्खबहादुर रोकाया, चक्रमपथका अभिनक सिंह राठौर, सुनसरीका क्षितिज कोइराला, खोटाङका अमरबहादुर विक, उदयपुरका जीवन भुजेल, ललितपुरका केशव देशार, सल्यानका रिजन केसी र मकवानपुरका भिमलाल वाइवा छन् ।
त्यस्तै, मकवानपुर घर भइ चापागाउँ बस्दै आएका मनिष थिङ, ललितपुरका रजित बेन्जकार, संजय महर्जन, काभ्रेका भिमबहादुर तामाङ, चैरमान लामा, हुम्बु लामा, छेगु लामा, ललितपुरका वीजेन्द्र महर्जन, झापाका विकास मोदे, लतिलपुरका जितेन्द्र श्रेष्ठ, मकवानपुरका सञ्चार सिंह भोलान, बझाङका सेरेन जोशी, काभ्रेका सुजित दाहाल, गोरखाका शुशान्त पाण्डे र बाग्लुङका जगत आचार्य छन् ।
उनीहरुलाई प्रहरी वृत्त, बानेश्वरको हिरासतमा राखिएको एसपी ढुंगेलले बताए ।
