गोकर्णेश्वरमा चिकित्सकको सिफारिस बिना साइक्याट्रिक औषधी बिक्रि गर्न नपाइने
माघ ३, काठमाडौं । गोकर्णेश्वर नगरपालिकाले मनोदिपक तथा साईक्याट्रीक जस्ता औषधि लागु औषधको रुपमा जथाभावी बिक्रि नगर्न अनुरोध गरेको छ ।
आज नगर प्रमुख दिपक रिसालले जारी गर्नु भएको सुचनामा त्यस्ता औषधि चिकित्सकको सिफरिसबिना बिक्रि गर्ने औषधी पसलहरुलाई कडा भन्दा कडा कारवाही गर्ने जनाइएको छ । सूचनामा त्यस्ता औषधीहरु विक्रवितरण भएको भेटिएमा कानुन बमोजिमको कडा भन्दा कडा कारवाही गरिने र औषधी पसल÷ क्लिनिकलाई शिल गरिने समेत जानकारी गराईएको छ ।
गोकर्णेश्वर नगरपालिका अन्तर्गत रहेका औषधी पसल तथा क्लिनिकहरुबाट चिकित्सकको सिफारिस विना मनोदिपक तथा साइक्याट्रिक औषधीहरु लागु औषधको रुपमा विक्रिवितरण भएको जानकारी प्राप्त भएको जनाउँदै नगरपालिकाले त्यसले नगर क्षेत्रमा दुव्र्यसन बढाउने भएकाले मनोदिपक तथा साईक्याट्रीक जस्ता औषधि लागु औषधको रुपमा जथाभावी बिक्रि नगर्न अनुरोध गरेको छ ।
नगरपालिकाले नगरभित्र संचालित अस्पताल, औषधी पसल, क्लिनिक, वैकल्पिक चिकित्सा र आयुर्वेदिक औषधी पसल नगरपालिका कार्यालयमा सूचिकृत गराई व्यावसाय दर्ता गरी मात्र संचालन गर्न अनुरोध गरेको छ । साथै, अन्यथा नियमानुसार कारवाही गरिने जानकारी समेत दिएको छ ।