फागुन २३, काठमाडौं । गोकर्णेश्वर नगरपालिकाका नगर प्रवक्ता तथा वडा नं. ५ का अध्यक्ष नारायण बहादुर सुवेदीलाई हाम्रो गुठीले सम्मान गरेको छ । गुठीले श्रीमद्भागवत पितृ मोक्ष सप्ताह ज्ञान महायज्ञ समापनको अवसरमा नगर प्रवक्ता सुवेदीलाई मंगलबार सम्मान गरेको हो । गुठीका अध्यक्ष श्याम बहादुर कार्कीले सम्मान–पत्र हस्तान्तरण गर्नु भएको थियो । फाल्गुन १४ गतेदेखी २२ गतेसम्म गोकर्णेश्वर नगरपालिका वडा नं. ६ जोरपाटी, नयाँबस्तिस्थित रामजानकी मार्गमा रहेको गुठी भवनमा आयोजित महायज्ञको तयारदेखि शुभारम्भ र समापनसम्म सुवेदीले अविभावकीय भूमिका निर्वाह गरी पु¥याउनु भएको योगदानको कदर गर्दै सम्मान गरेको गुठीले जनाएको छ । सम्मान–पत्रमा भनिएको छ– “मिति २०८० साल फाल्गुन १४ गते देखी २०८० फाल्गुन २२ गते सम्म हाम्रो गुठी गो.न.पा. वडा नं. ६ रामजानकी मार्ग जोरपाटी स्थित हाम्रो गुठी भवनमा कथा वाचक पं. श्री राधेश्याम पराजुली ज्यूको मुखारवृन्दबाट वाचन भएको सगितमय श्रीमद्भागवत पितृमोक्ष सप्ताह ज्ञान महायज्ञमा अभिभावकको भूमिका निर्वाह गर्नुभएका गोकर्णेश्वर नगरपालिका वडा नं. ५ का वडा अध्यक्ष तपाई श्री नारायण बहादुर सुवेदी ज्यूलाई यहाँको उदार भावनाको यस गुठीले उच्च सम्मान गर्दै आगामि दिनहरुमा पनि यसै गरि सहयोगको अपेक्षा राख्दै तपाई लगायत तपाईको सम्पूर्ण परिवारमा सुख, शान्ति, समृद्धि र उत्तरोत्तर प्रगतीको कामना सहित यो सम्मान पत्र प्रदान गरिएको छ ।”