चैत्र १८, काठमाडौं । ने.क.पा. एमाले गोकर्णेश्वर नगरपालिका वडा नं. ३ कमिटिको दोश्रो वडा अधिवेशनको उद्घाटन भएको छ । शनिवार गोनपा ३ बालुवामा अधिवेशनको उद्घाटन भएको थियो ।
उद्घाटन समारोह संविधानसभा सदस्य तथा वागमति प्रदेशका पूर्व मन्त्री रामेश्वर फुयालको प्रमुख आतिथ्यतामा भएको थियो । कार्यक्रम वडा कमिटि अध्यक्ष तथा वडा सदस्य बुद्धि बहादुर श्रेष्ठको अध्यक्षतामा भएको थियो ।
अधिवेशन उद्घाटन समारोहमा संघीय सांसद शान्ति श्रेष्ठ, पोलिटब्युरो सदस्य तथा संविधान सभा सदस्य रामेश्वर फुयाल, वागमति प्रदेश कमिटि सदस्य रामशरण ढुंगाना, वागमति प्रदेश कमिटि सदस्य पेमा छिरि शेर्पा, जिल्ला कमिटि सदस्य तथा गोकर्णेश्वर नगरपालिकाका नगर उपप्रमुख सान्नानी लामा, जिल्ला सदस्य तथा नगर इन्चार्ज उद्धव भण्डारी, नगर अध्यक्ष उद्धव विष्ट, गोनपा १ कमिटिका अध्यक्ष कृष्ण तामाङ, गोनपा १ का वडा अध्यक्ष द्वारिका श्रेष्ठ, गोनपा २ का वडा अध्यक्ष मधु तामाङ, गोनपा ३ का वडा अध्यक्ष मुरारी प्रसाद कुइकेल, वडा नं. ६ का वडा अध्यक्ष नवराज लामा, कागेश्वरी मनोहरा नगरपालिका वडा नं. १ का वडा अध्यक्ष मुकुन्द गजुरेल, गोनपा ३ का वडा सदस्य सचिन लामा, लक्ष्मी भण्डारी लगायत क्षेत्रीय कमिटि, वडा कमिटिका नेता कार्यकर्ताको उल्लेख्य उपस्थिती रहेको थियो ।
अधिवेशनको उद्घाटन समारोहलाई संघीय सांसद शान्ति श्रेष्ठ, संविधान सभा सदस्य तथा वागमति प्रदेशका पूर्व मन्त्री रामेश्वर फुयाल, वागमति प्रदेश कमिटि सदस्य रामशरण ढुंगाना, जिल्ला कमिटि सदस्य तथा गोकर्णेश्वर नगरपालिकाका नगर उपप्रमुख सान्नानी लामा, नगर इन्चार्ज उद्धव भण्डारी, नगर अध्यक्ष उद्धव विष्ट, गोनपा ३ का वडा अध्यक्ष मुरारी प्रसाद कुइकेल, गोनपा ३ का वडा सदस्य सचिन लामा लगायतले शुभकामना मन्तव्य राख्नु भएको थियो ।
अभिवेशनको अवसरमा अधिवेशन स्थलमा राखिएको रक्तदान शिविरमा ३४ जनाले रक्तदान गर्नु भएको थियो ।
१५३ जना ज्येष्ठ नागरिक, एकल महिला लगायत सम्मानित
उद्घाटन समारोहमा १५३ जना ज्येष्ठ नागरिक, २५ जना एकल महिला, ६ जना अपांगता भएका व्यक्ति, २०४९ साल देखिका जनप्रतिनिधि तथा पार्टी प्रतिनिधि र स्थानीय कलाकारलाई सम्मान गरिएको थियो । कार्यक्रममा गायक गोपाल लामा र सुरेश लामाले गीत प्रस्तुत गर्नु भएको थियो । कार्यक्रम सञ्चालन नविनराज विष्टले गर्नु भएको थियो ।