चैत्र १८, काठमाडौं । काठमाडौं महानगरपालिकाले पछिल्लो पाँच महिना ९कात्तिक, मंसिर, पुस, माघ र फागुन० मा नदी किनार र जलबहाब क्षेत्रबाट २ हजार २ सय ४८ टन फोहोर निकालेको छ ।
यसका लागि ७ हजार ६ सय ९४ जनशक्ति परिचालन गरिएको महानगरले जनाएको छ । सहरी स्वच्छता र सफाइका लागि महानगरपालिकाले लिएको नीति कार्यान्वयन गर्ने क्रममा मानवीय स्रोत प्रयोग गर्नुपर्ने ठाउँमा जनशक्ति परिचालन गरिएको हो ।वातावरण व्यवस्थापन विभाग प्रमुख रविनमान श्रेष्ठका अनुसार आवश्यकताका आधारमा एक्स्काभेटरसहित उपकरण प्रयोग गरिएको थियो ।
महिनागत हेर्दा कात्तिकदेखि फागुनसम्म क्रमशः १ हजार ४ सय, ३ हजार ७ सय ३१, १ हजार १ सय २६, ७ सय २५ र ७ सय १२ जनशक्ति परिचालन भएका छन् । यी जनशक्ति श्रम बैंकबाट लिइएका हुन् ।योजनाका फोकल पर्सन एवम् महानगरपालिकाका उपनिर्देशक सानुमैया महर्जनका अनुसार यी महिनामा क्रमशः ८ सय ४६, ८ सय ४६, २ सय ७१, १ सय ४४, १ सय ७१ र १ सय ४१ टन फोहोर निकालेर व्यवस्थापन गरिएको छ ।
योजना कार्यान्वयन गर्ने क्रममा ३० असोजदेखि नदी किनाराको सरसफाइ थालिएको हो । २० फागुनदेखि नदीभित्र प्रवेश गरेर फोहोर निकाल्न थालिएको महानगरले जनाएको छ ।
गत १ मंसिरदेखि सहरी सरसफाइका लागि थप गरिएका ३ सय जनशक्तिले पनि काम गरिरहेका छन् । उनीहरूलाई नदी किनारा, सडक, पार्क र सार्वजनिक स्थल सफाइमा खटाइएको श्रेष्ठले बताए ।
सफाइ क्रममा सबैभन्दा धेरै पाइने फोहोर प्लास्टिक छ । त्यसपछि कपडा छन् । घाट क्षेत्रमा काठ, दाउरा, कोइला, कपडादेखि अन्य विभिन्न फोहोर भेटिने गरेको छ ।
८ वटा नदीको सफाइलाई नियमित सञ्चालन गरिनेछ ।
यी ८ वटा नदीहरु, विष्णुमती, रुद्रमती (धोवीखोला), मनोहरा, इच्छुमती (टुकुचा), बल्खु खोला, सामाखुशी, कर्खुशी (वाफल) र भचाखुशी (स्वयम्भू, शोभाभगवती) हुन् ।
