चैत्र २३, काठमाडौं । गोकर्णेश्वर नगरपालिका वडा नं. ५ मा रहेको सोबर रिकवरि उपचार तथा पुनस्र्थापना केन्द्रले आयोजना गरेको ‘सोबर रिकवरि कप २०८०’ फस्ट स्टेप, टोखाले जितेको छ । यसगरी आयोजक सोबर रिकवरि उपचार तथा पुनस्र्थापना केन्द्र उपविजेता भएको छ ।

सोबर रिकवरि कप ५ए साइड फुटसल टुर्नामेण्टमा विभिन्न जिल्लाबाट २१ टिम सहभागि रहेका थिए । बिहिवार भएको प्रतिश्पर्धात्मक खेलमा फस्ट स्टेपले ४–३ गोलले नतिजा आफ्नो पक्षमा पार्न सफल रह्यो ।

विजेता फस्ट स्टेपले नगद रु १ लाख ५० हजार सहित ट्रफी र मेडल र प्रमाणपत्र प्राप्त गरेको थियो भनें उपविजेता सोबरले नगद रु ७५ हजार सहित ट्रफी र मेडल र प्रमाणपत्र प्राप्त ग¥यो ।
यसैगरी, बेस्ट प्लेयर सोबरका कर्मा शेर्पा, हाइएष्ट स्कोरर सोबरका श्रीवीर लामा बेष्ट गोलकिपर फस्ट स्टेपका आकाश राई, बेष्ट डिफेन्स सोबरका रवि थापा मगर हुनु भयो । उहाँहरुलाई नगद ५ हजारका साथमा मेडल, सर्टिफिकेट र आकर्षक गिफ्ट ह्याम्पर प्रदान गरिएको थियो ।

‘नशारहित पनि रमाउन सकिन्छ’ भन्ने नाराका साथ सोबरले बुधवार र विहिवार गोकर्णेश्वर–४ माकलबारीस्थित मनकामना फुटसलमा ‘फुटबल टुनामेन्ट’को आयोजना गरेको हो ।

प्रतियोगिताको उद्घाटन बुधवार प्रतिनिधिसभा सदस्य तथा संसदको अर्थ समितिका सभापति सन्तोष चालिसेले गर्नु भएको थियो भनें समापन नगर प्रमुख दिपक रिसालको प्रमुख आतिथ्यतामा भएको थियो । समापन कार्यक्रम सोबरका संस्थापक अध्यक्ष छिरिङ वाङ्दीको सभापतित्वमा भएको थियो । कार्यक्रममा गोनपा ४ का वडा अध्यक्ष जयराम महत, गोकर्णेश्वर युवा तथा खेलकुद समितिका अध्यक्ष सञ्जय लामा, गोनपाका फुटबल संयोजक विकास राई, युवा समाजसेवी तथा समन्वयकर्ता निरज लामा, प्रहरी निरिक्षक राजु साहु, माया बुटिक होटलका सञ्चालक समित लामा लगायतको आतिथ्यता रहेको थियो ।

समापन कार्यक्रममा प्रतियोगिता सञ्चालन व्यवस्थापनका सहयोग गर्नेहरुलाई कर पत्र, मायाको चिन्हो प्रदान गरिएको थियो । कार्यक्रम सञ्चालन सञ्चारकर्मी सुस्मा लामाले गर्नु भएको थियो ।