वैशाख ११, काठमाडौं । हिन्दू स्वयंसेवक संघ नेपालको राष्ट्रिय संघचालक दायित्वमा कल्याणकुमार तिम्सिना निर्वाचित हुनु भएको छ । बैशाख ७–८ गते काठमाडौंमा सम्पन्न संघको राष्ट्रिय योजना बैठक २०८१ बाट राष्ट्रिय संघचालक दायित्वमा कल्याणकुमार तिम्सिना निर्वाचित हुनु भएको हो ।
तिम्सिना यस अघि संघको राष्ट्रिय सह–संघचालक हुनुहुन्थ्यो । उहाँ नेपाल प्रहरीको उच्च नेतृत्व अतिरिक्त प्रहरी महानिरीक्षक (ब्क्ष्न्) जस्तो महत्वपूर्ण जिम्मेवारी पूरा गरी हाल सेवा निवृत्त हुनुहुन्छ । तिम्सिनाको केन्द्र काठमाडौँ रहनेछ ।
यसैगरी, राष्ट्रिय सह–संघचालक दायित्वमा आदरणीय श्री विष्णुप्रसाद पौडेल मनोनीत हुनुभएको छ । उहाँ यस पूर्व गण्डकी सम्भागका माननीय सह–संघचालक हुनुहुन्थ्यो र उहाँ लामो समय शिक्षा क्षेत्रमा कार्यरत हुनुहुन्थ्यो । पौडेलले धार्मिक सामाजिक नेतृत्वमा सक्रिय रूपमा नेतृत्वदायी भूमिका निर्वाहन गर्नुभएको छ । उहाँको केन्द्र पोखरा रहनेछ ।
निवर्तमान राष्ट्रिय संघचालक आदरणीय श्री हेम शर्मा आचार्य ग्राम विकास गतिविधिका साथ आमन्त्रित सदस्य रहनुहुनेछ ।
संघको विधान अनुसार कार्यकारिणीको निर्वाचन प्रत्येक तीन वर्षमा हुने प्रावधान रहेको छ । जस अन्तर्गत यस वर्ष आयोजित राष्ट्रिय योजना बैठक २०८१ काठमाडौँमा नयाँ राष्ट्रिय संघ चालकका साथै २५ सदस्यीय राष्ट्रिय कार्यकारणी सर्वसम्मत निर्वाचित भएको छ ।
यसैगरी, संघको राष्ट्रिय योजना बैठक २०८१ बाट राष्ट्रिय कार्यवाह (महासचिव) मा मुरली प्रसाद निरौला र अन्य तीन राष्ट्रिय सहकार्यवाह निर्वाचित हुनुभएको छ ।
