१६ साउन, काठमाडौं । भारतको उत्तर प्रदेशमा योगी आदित्यनाथ सरकारले मंगलवार यूपी गैरकानुनी धार्मिक धर्म परिवर्तन निषेध (संशोधन) विधेयक २०२४ विधान सभामा पारित गरेको छ ।

यो विधेयकमार्फत सरकारले जबरजस्ती धर्म परिवर्तन गराउनेलाई जन्मकैदको व्यवस्था गरेको छ । यसअघि १ देखि १० वर्षसम्म कैदको व्यवस्था थियो ।

यसमा पहिले नै परिभाषित अपराधको सजाय दोब्बर गरिएको छ भने नयाँ अपराध पनि समावेश गरिएको छ जसमा आजीवन कारावासको व्यवस्था छ ।

यस ऐन अन्तर्गत धर्म परिवर्तनका लागि रकमलाई अपराधको दायरामा ल्याइएको छ । यसमा स्वदेशी वा विदेशी कुनै पनि संस्थाबाट आर्थिक सहयोग लिने अपराधको दायरामा आएको छ, जसमा जन्मकैदको व्यवस्था पनि छ ।

कसैले कसैलाई धर्म परिवर्तन गराउन धम्की दिएमा वा जनधनको क्षति पुर्‍याएमा उसलाई पनि अपराधको दायरामा ल्याइएको छ । साथै जबरजस्ती विवाह वा ठगी गरेर विवाह गर्नेलाई पनि यो विधेयकमा समावेश गरिएको छ । अदालतले पीडितको उपचार खर्च र पुनर्स्थापनाका लागि जरिवानाको रकम तोक्न सक्नेछ । सरकारले भनेको छ, महिलाको अपराध, मर्यादा र सामाजिक स्थितिको संवेदनशीलतालाई ध्यानमा राख्दै, महिलाको गैरकानुनी धर्म परिवर्तन, एससी(एसटी आदिलाई रोक्न, सजाय र जरिवानालाई अझ कडा बनाउन आवश्यक छ भन्ने महसुस भयो। त्यसैले यो विधेयक ल्याइएको हो ।”– न्यूजएजेन्सी