चैत्र ३१, काठमाडौँ । प्राज्ञिक विद्यार्थी परिषद् नेपालले शिक्षा क्षेत्रमा आवश्यक सुधारका लागि शिक्षा, विज्ञान तथा प्रविधि मन्त्रालयका सचिव समक्ष आठ बुदे माग पत्र बुझाएको छ । सोमबार विद्यार्थी परिषद्को राष्ट्रिय प्रतिनिधि टोलिले नेपाल सरकार शिक्षा, विज्ञान तथा प्रविधि मन्त्रालयका सचिव श्री रामप्रसाद थपलियाज्यलाई भेटेर उक्त आठ बुँदे मागपत्र बुझाए हो । पछिल्लो समयमा शिक्षाक्षेत्रमा देखिएका विविध समस्याहरू र त्यसको सुधारका विषयहरूलाई समेटेर विद्यार्थी परिषद्को चैत्र २०, २१ र २२ गते विराटनगरमा सम्पन्न आठौँ राष्ट्रिय अधिवेशनबाट पारित गरिएको शैक्षिक प्रस्तावलाई परिषद्को प्रनिधि टोलिले शिक्षा मन्त्रालयका सचिवज्यूलाई उक्त सुझाब पत्र बुझाएको छ । स्कुल ,कलेज तथा विश्वविद्यालयमा अध्यन गर्ने विद्यार्थीहरूको समस्या , परिक्षा प्रणालिमा ढिला सुस्ति , दुर्गम भेगमा पढनपाढनमा देखिएका समस्याहरू, सामुदायिक तथा नीजि विद्यालयको शुल्क बृद्वि, लगायत तमाम समस्याहरू रहेकाले उक्त सुझाब पत्रलाई तुरुन्तै कार्यनयनको दिशामा अगाडि बढाउन विद्यार्थी परिषद्का राष्ट्रिय महासचिव छितराज न्यौपानेले मन्त्रालयका सचिव रामप्रसाद थपलियाज्युलाई आग्रह समेत गर्नु भएको छ । साथै परिषद्ले उक्त शैक्षिक प्रस्तावलाई कार्यान्वयनका लागि त्रिभुवन विश्वविद्यालयका उपकुलपति प्रा.डा. धर्मकान्त बास्कोटाज्यूलाई समेत पेश गरी छिटो भन्दा छिटो कार्यनयनको अगाडि बढाउन आग्रह गरेको छ ।