२४ माघ, काठमाडौँ । सोमबार सिंहदरबारमा माननीय गृहमन्त्री बालकृष्ण खाणले गृहसचिव, मन्त्रालय र विभागका उच्चपदस्थ कर्मचारीहरू, नीति अध्ययन प्रतिष्ठानका प्रतिनिधि तथा पत्रकारहरूबीच २०६ बुदे गृह प्रशासन कार्ययोजना सार्वजनिक गर्नुभएको हो। गृहमन्त्री बालकृष्ण खाँणले कार्यभार समालेको ६ महिनापछि गृह प्रशासन सुधार कार्ययोजना सार्वजनिक गरेका छन् । मन्त्रीको कार्ययोजनामा गाँजाको खेती र प्रयोगको मापदण्ड बनाउनेदेखि स्थानीय तहबाट नै नागरिकता वितरण गर्ने सम्मका योजना छन् । गाँजाको औषधीय प्रयोगका लागि ६ महिनाभित्र कार्यविधि तयार गर्ने मन्त्रालयको तयारी छ । नीति योजना अनुगमन तथा मूल्याङ्कन महाशाखाले त्यसबारे काम गरिरहेको छ ।अध्यागमन नीति तर्जुमा गरेर लागू गर्ने मन्त्रालयको योजना छ । निश्चित मापदण्ड पुरा गरेर स्थानीय तहबाटै नागरिकता वितरण गर्ने योजना गृह मन्त्रालयले सार्वजनिक गरेको छ । स्थानीय तहबाटै नागरिकता सेवा दिन कानुनी प्रक्रिया शुरु गरिनेछ  गृह प्रशासन सुधार योजना सार्वजनकि कार्यक्रममा गृहसचिव टेकनारायण पाण्डेले भने– त्यो सेवा दिनका लागि प्रक्रियागत व्यवस्थापनमा लाँदैछौँ । नेपाल प्रहरी र सशस्त्र प्रहरी बलको संगठन तथा व्यवस्थापन सर्वेक्षण ओएण्डएम गर्ने योजना सार्वजनिक गरिएको ।लागुऔषध नियन्त्रणका लागि हरेक जिल्लामा लागुऔषध सचेतना केन्द्र सञ्चालन गर्ने मन्त्रालयको योजना छ । प्रहरीको सरुवा र बढुवामा पनि नयाँ मापदण्ड तयार गर्ने मन्त्रालयको योजना छ । 2078.10.21_गृह_प्रशासन_सुधार_कार्ययोजना_एकीकृत