आज नेपाल र क्यामरुनी क्लब एभेनिरसँग प्रतिस्पर्धा हुँदै
बैशाख १६, काठमाडौं ।
एसियन कप छनोटको तेस्रो चरण खेल्ने तयारीमा रहेको नेपाली राष्ट्रिय पुरुष फुटबल टोलीले मैत्रीपूर्ण खेलमा आज ९शुक्रबार० क्यामरुनको एभेनिर एफसी डाउलासँग प्रतिस्पर्धा गर्दैछ । यो खेल साँझ ५ बजेपछि त्रिपुरेश्वरस्थित दशरथ रंगशालामा हुनेछ ।
क्यामरुनको एभेनिर एफसी डाउला नेपालमा मोफसलको विभिन्न गोल्डकप खेल्न आएको टोली हो । यो मैत्रीपूर्ण खेलको लागि अखिल नेपाल फुटबल संघ एन्फाले मिडिया र दर्शकलाई प्रवेश नदिने बताइएको छ । एभेनिरविरुद्ध दीप कार्कीले नेपालको पोस्ट सम्हाल्ने सम्भावना छ । डिफेन्समा शिव गुरुङ, राजन गुरुङ, विकास तामाङ, विकास खवास, सुमन अर्याल र गौतम श्रेष्ठ रहेका छन् । मिडफिल्डमा पुजन उपरकोटी, एरिक विष्ट, सुनिल बल, आयुष घलान, सन्तोष तामाङ, सुशील राई, रुप बहादुर लामा, सेसेहाङ आङ्देम्बे, सुरज ज्यू ठकुरी र आकाश बुढा मगर रहेका छन् । फरवार्डमा मनिष डाँगी, जर्जप्रिन्स कार्की, नवयुग श्रेष्ठ र सन्जोक राई रहेका छन् ।
एसियन कपका लागि नेपालले २ बैशाखबाट प्रशिक्षण थालेको थियो । एसियन कप २०२३ छनोटमा समूह ‘ए’ मा नेपालले जेठ २५ मा जोर्डन, २८ मा कुवेत र जेठ ३१ मा इन्डोनेसियाविरुद्ध कुवेत सिटीमा प्रतिस्पर्धा गर्नेछ ।