१० जेष्ठ काठमाडौँ । भियतनाममा आयोजना हुने एएफसी यू–१७ एसियन कप छनोटमा नेपाल समूह ‘एफ’ मा परेको छ । एसियन फुटबल कन्फेडेरेसन (एएफसी) ले मंगलबार सार्वजनिक गरेको तालिकामा नेपाल, थाइल्याण्ड, भियतनाम र चाइनिज ताईपेइ समूह ‘एफ’ मा परेको हो । एएफसीले जारी गरेको तालिका अनुसार नेपाल सम्मिलित समूहका छनोट खेल भियतनाममा अक्टोबर १ देखि ९ सम्म हुनेछ । विजेता हुने राष्ट्रले बहराइनमा आयोजना हुने एसियन कपमा स्थान बनाउने छन् । एएफसीले छनोट खेल्न लागेका एशियाली ४४ राष्ट्रलाई १० समूहमा विभाजन गरेर तालिका सार्वजनिक गरेको हो । १० समूहमा विजेता राष्ट्र र ५ उपविजेता राष्ट्रले एएफसी यू–१७ एसियन कपमा प्रतिस्पर्धा गर्नेछन् । समूह विभाजन समूह ‘ए’ – जापान, जोर्डन (आयोजक), सिरिया, फिलिपिन्स र तुर्केमिनिस्तान समूह ‘बी’ – इन्डोनेसिया (आयोजक), मलेसिया, प्यालेस्टाइन, गुआम र युएईं समूह ‘सी’ – ओमान (आयोजक), इराक, कतार, लेवनान र बहराइन समूह ‘डी’ – भारत, साउदी अरेविया (आयोजक), म्यानमार, माल्दिभ्स र कुवेत समूह ‘ईं’ – यमन, बंगलादेश (आयोजक), सिंगापुर र भुटान समूह ‘एफ’ – थाइल्यान्ड, भियतनामा (आयोजक), चाइनिज ताइपेइ र नेपाल समूह ‘जी’ – अष्ट्रेलिया (आयोजक), चीन, कम्वोडिया र नर्दन मारियाना आइल्यान्ड समूह ‘एच’ – ताजिकिस्तान (आयोजक), अफगानिस्तान, टिमोर लिस्टे र मंगोलिया समूह ‘आईं’ – इरान, हङकङ, किर्गिस्तान (आयोजक) र लाओस समूह ‘जे’ – दक्षिण कोरिया, ब्रुनाई, उज्वेकिस्तान (आयोजक) र श्रीलंका एएफसी यु–१७ एसियन कपमा १६ टोलीले प्रतिष्पर्धा गर्नेछन् ।