३ असार, काठमाडौँ । कैलालीको धनगढी– उपमहानगरपालिका–१८ नम्बर वडाले सम्पूर्ण विद्यर्थीहरुलाई स्नातकसम्मको शिक्षा निःशुल्क पढाउने निर्णय गरेको हो । वडाध्यक्ष भुवन रिजालले वडामा रहेको फूलवारी बहुमुखी क्यम्पसमा स्नातक तहमा अध्ययनरत सम्पूर्ण विद्यार्थीको शुल्क वडाले तिर्ने निर्णय गरेको बताउनुभयो । विद्यार्थीलाई स्नातक तहको निःशुल्क पढाउने योजनालाई हरेक वर्ष निरन्तरता दिने अध्यक्ष रिजालको भनाइ छ । तत्काल सो कार्यको लागि तीन लाख रकम छुट्याउने निर्णय गरेको जानकारी दिनुहुँदै अध्यक्ष रिजालले विद्यार्थी सङ्ख्याको आधारमा थप रकम छुट्याउदै जाने जानकारी दिनुभयो । हरेक वर्ष विद्यार्थीको तथ्याङ्कको आधारमा वर्षभरी क्याम्पसले लिने सम्पूर्ण शुल्क क्याम्पसको खातामा पठाउने अध्यक्ष रिजालको बताउनुभयो । स्नातक तहको निःशुल्क पढाउने वडा कार्यलयको निर्णयसँगै उक्त वडा विद्यार्थीहरुले अब कुनै पनि शुल्क तिनुनपर्ने फूलवारी बहुमुखी क्यम्पसका क्याम्पस प्रमुख यमबहादुर पौडेलले बताउनुभयो । क्याम्पस प्रमुख पौडेलका अनुसार प्रति विद्यार्थीको १७ हजार रकम वार्षिकरुपमा शुल्क लाग्ने गरेको छ । विद्यार्थीको सङ्ख्या न्यून रहेको फूलवारी बहुमुखी क्याप्पसमा वडा कार्यलयको यो निर्णले विद्यार्थी सङ्ख्यामा वृद्धि हुने क्याम्पस प्रमुख पौडेलले बताउनुभयो ।