१९, असार काठमाडौँ । भारतमा हुने साफ यू–२० च्याम्पियनसिप र बहराइनमा हुने एएफसी यू–२० एसियन कप छनोटका लागि बन्द प्रशिक्षणमा रहेका ११ खेलाडी बाहिरिएका छन् । नेपाली यू–२० टोलीका मुख्य प्रशिक्षक मेघराज केसीले साफ यू–२० च्याम्पियनसिप र बहराइनमा हुने एएफसी यू–२० एसियन कप छनोटका लागि दोस्रो चरणमा ३० खेलाडीलाई छनोट गरेका छन् । अमर बहादुर नेवार, टोप बहादुर राना, जाम ताम्ली, खेमराज श्रेष्ठ, प्रदीप लम्साल, राकेश विश्वकर्मा, विनय बस्नेत क्षेत्री, राज भुषाल, माल्दिना आङथुपो र जविन्द्र भट्टराई टोलीको प्रारम्भिक प्रशिक्षणबाट बाहिरिएका छन् । यू–२० साफ च्याम्पियनसिप भारतमा २५ जुलाईदेखि ३ अगस्टसम्म हुँदैछ । नेपालले माल्दिभ्ससँग २५ जुलाईमा, श्रीलंकासँग २७ जुलाईमा, ३१ जुलाईमा भारत र २ अगस्टमा बंगलादेशसँग खेल्ने तालिका छ । दोस्रो चरणमा रहेका ३० खेलाडीमा ईश्वर गुरुङ, युनेश चौधरी, सौरभ कार्की र जियारथ शेख, अकिव हक्यु, अमर श्रेष्ठ, सोनित दाहाल, आयुष श्रेष्ठ, अजय चौधरी, सुमन श्रेष्ठ, आश्विन भट्टराई, श्रीजन दानी, रोहन थापा र राज थोकर, अभिषेक वाइवा, दिपेश गुरुङ, आशिष राई, क्षितिज भण्डारी, सन्दीप कार्की, जन्मजय धामी, सन्जीव लामा, मोहित गुरुङ, कृतिश रत्न छुन्जु, प्रितन स्याङतान, सुगम सुवाल, मनग्य नकर्मी र आयुष घलान, दिपेश राई, निराजन मल्ल, रोहन खड्गी र रोहित सुब्बा छन् ।