२८ असार, काठमाडौँ । आईसीसी क्रिकेट विश्वकप लिग टु अन्तर्गत स्कटल्याण्डमा भइरहेको शृंखलामा नेपाल सोमबार नामिबियासँग ४० रनले पराजित भएको छ । २२१ रनको लक्ष्य पछ्याएको नेपालले ४६।५ ओभरमा सबै विकेट गुमाएर १८० रन मात्र बनाउन सकेकोले नामिबियासँग पराजित भएको हो । छैटौं नम्बरमा ब्याटिङ गरेका आरिफले ८४ बल खेल्दै २ चौका प्रहार गरे । देव खनालले ३४ र कुशल भुर्तेलले २७ रन जोडे । मिडलर अर्डर र लोअर अर्डरमा आरिफ बाहेक कसैले पनि व्यक्तिगत २० रन बनाउन सकेनन् । करण केसीले ११ बलमा १९ रन जोडेका थिए । नामिबियाका डेभिड विजा, बर्नार्ड स्कोल्ट्स र जान फ्रांकलिनले २–२ विकेट लिए । त्यसअघि कम्बुसडुन न्यु ग्राउण्डमा टस जितेर पहिले ब्याटिङ गरेको नामिबयाले ४७।३ ओभरमा सबै विकेट गुमाएर २२० रनमा अलआउट भएको थियो । नामिबयाका जान निकोल लाफ्टी एटनले सर्वाधिक ६० रन बनाए भने डिभान ला कुकुले ४१ रन जोडे । नेपालका लागि कप्तान सन्दीप लामिछानेले सर्वाधिक ४ विकेट लिए । उनले १० ओभरमा ५४ रन खर्चिए । यस्तै सोमपाल कामीले २ तथा करण केसी र दीपेन्द्र सिंह ऐरीले १९१ विकेट लिए ।यसै खेलबाट एक दिवसीय अन्तर्राष्ट्रियमा डेब्यु गरेका वसिर अहमदले किफायती बलिङ गर्दै ७।३ ओभरमा १८ रन मात्र खर्चिएर १ विकेट लिएका थिए । आरिफले क्रेग विलियम्सलाई डाइरेक्ट हिटमार्फत रनआउट गराएका थिए । यस जितपछि नामिबया १६ खेलबाट १६ अंक जोड्दै पाँचौ स्थानमा उक्लेको छ । नेपाल भने १७ खेलबाट १५ अंक रहेर छैटौं स्थानमा झरेको छ ।