१ साउन, काठमाडौँ । राष्ट्रिय खेलकुद परिषद् ९राखेप० ले १९ औं एसियाली खेलकुदको तयारीमा राखेको २३ खेलको प्रारम्भिक चरणको प्रशिक्षण सम्पन्न भएको छ । गत जेठ २४ गतेदेखि सुरु भएको प्रशिक्षण असार ३२ सम्म संचालन भएको बिभिन्न २३ खेलको प्रारम्भिक चरणको प्रशिक्षण सकिएको हो । राखेपले एसियाली खेलकुदको लागि कबड्डी, कुस्ती, उसु, ह्यान्डबल, भारोत्तोलन, एथलेटिक्स, भलिबल, कराते, टेकवान्दो, टेबलटेनिस, क्रिकेट, फेन्सिङ, पौडी, बास्केटबल, फुटबल, सुटिङ, जुडो, गल्फ, ब्याडमिन्टन, साइक्लिङ, बक्सिङ, त्रिलाथन, आर्चरी गरि २३ खेलको प्रशिक्षन सञ्चालन गरेको थियो ।जसमध्ये तेक्वान्दो, बक्सिङ, फुटबल, पौडी, ट्रायथलन, कुस्ती र सुटिङको बन्द प्रशिक्षण सातदोबाटोमा भएको थियो । दशरथ रंगशालामा एथलेटिक्स, उसु, भारोत्तोलन र थ्री वाई थ्री बास्केटबलको प्रशिक्षण भएको थियो । त्यस्तै, भलिबल तालिम त्रिपुरेश्वरस्थित राखेपको कभर्ड हलमा भएको थियो । गल्फ गोकर्णमा र जुडोको तालिम नयाँबजारस्थित बहुउद्देश्यीय मार्सल आर्ट सेन्टरमा भएको थियो । त्यस्तै कीर्तिपुरमा फेन्सिङ, लगनखेलमा ह्यान्डबल, कञ्चनपुरमा कबड्डी, लैनचौर टेबलटेनिस, एनएससीमा ब्याडमिन्टन र क्रिकेट कीर्तिपुरमा पहिलो चरणको प्रशिक्षण सम्पन्न भएको थियो । चीनमा हुने १९ औं एसियालीखेलकुदका लागि राखेपले प्रशिक्षण सुरु गरेको थियो । तर आयोजक देशमा कोभिड–१९ को सङ्क्रमण बढेपछि प्रतियोगिता स्थगित भएको थियो । दोस्रो चरणको प्रशिक्षण मिति तय भइनसकेको राखेपका राष्ट्रिय टोली तयारी समितिका संयोजक महेन्द्र राइले बताएका छन् । दोस्रो चरणको प्रशिक्षण बारे भने राखेप सदस्य सचिव टङ्कलाल घिसिङ र हाइ पर्फमेन्स समितिसँगको छलफलपछि टुंगो लाग्नेछ ।