सन्दीपको नाममा ६ विश्व कीर्तिमान
९ साउन, काठमाडौँ ।
नेपाली राष्ट्रिय क्रिकेट टोलीका कप्तान सन्दीप लामिछानेले विश्व क्रिकेटमा छोटो समयमा ठूलो फड्को मारेका छन् । सन्दीपले सिनियर टोली मात्र होईन फ्रेन्चाइज क्रिकेटमार्फत पनि अन्तर्राष्ट्रिय क्रिकेटमा आफ्नो छाप छाडेका छन् ।
सन्दीपले राष्ट्रिय टोलीका लागि थुप्रै कीर्तिमान बनाएका छन् । अन्तर्राष्ट्रिय क्रिकेटमा पनि विश्व कीर्तिमान बनाएका छन् । सन्दीपले ६ कीर्तिमान यस प्रकार छन् ।
१.सन्दीप संयुक्त टोलीबाट टि२० आईमा डेब्यू गर्ने पहिलो क्रिकेटर हुन् । सन्दीपले २०१८ मे ३१ मा आइसिसी विश्व–११ बाट वेस्टइन्डिजविरुद्ध टि० आई मा डेब्यू गरेका थिए ।
२.सन्दीप टि२० आई क्रिकेटमा सबैभन्दा उत्कृष्ट स्ट्राइक रेटमा बलिङ गर्ने बलर हुन् । सन्दीपले ३९ खेलमा १२ को स्ट्राइक रेटमा बलिङ गरेका छन् ।
३.सन्दीप विश्व टि२० आई क्रिकेटमा सबैभन्दा कम औसतमा बलिङ गर्ने बलर हुन् । सन्दीपको औसत १२।७६ छ । सन्दीप पछि अफगानिस्तानका स्पिनर राशिद खानको टि२० आई क्रिकेटमा औसत १३ को छ ।
४.सन्दीप ओडिआई क्रिकेटमा पनि उत्कृष्ट स्ट्राइकरेटका साथ बलिङ गर्ने बलर हुन् । सन्दीपले ३० ओडिआई खेलमा २३।२ ओ स्ट्राइक रेटमा ६९ विकेट लिएका छन् ।
५.सन्दीप ओडिआईमा उत्कृष्ट औसतका साथ बलिङ गर्ने बलर हुन् । सन्दीपले १५।५७ को औसतमा विकेट लिएका छन् । सन्दीपपछि राशिद खानले ८३ खेलमा १८।६५ को औसतमा १ सय ५८ विकेट लिएका छन् ।
६।सन्दीपको ओडिआईमा लगातार चारमाथि तीन पटक विकेट लिने विश्व कीर्तिमान संयुक्त रुपमा छ । सन्दीपले यस कीर्तिमान गत सेप्टेम्बरमा ओमानमा यस कीर्तिमान बनाएका थिए ।
सन्दीपले २०२० को फ्रेब्रुअरीमा अमेरिकाविरुद्ध ६ विकेट लिएका थिए ।
सन्दीपसँगै, पाकिस्तानका वाकर युनिसले तीन, शाहिन शाह अफ्रिदी, शाहिद अफ्रिदी, अब्दुल रजाक, भारतका नरेन्द्र हिरवानी, मोहम्मद शामी, न्युजिल्यान्डका म्याट हेनरी, क्यानाडाका खुर्रम चौहान, अष्ट्रेलियाका शेन वार्न र वेस्टइन्डिजका वासबर्ट ड्रेक्सले ओडिआईमा लगातार तीन पटक चार भन्दा बढी विकेट लिएका थिए ।
