१३ साउन, काठमाडौँ । इंल्याण्डविरूद्धको टी–२० सिरिजअन्तर्गत दोस्रो खेलमा दक्षिण अफ्रिकाले सहज जित हात पारेको छ। दक्षिण अफ्रिकाले दोस्रो टि२० आई खेलमा घरेलु टोली इंग्ल्यान्डमाथि ५८ रनको सानदार जित गरेका हुन् । जितको लागि २ सय ८ रनको विजयी लक्ष्य पछ्याएको इंग्ल्यान्ड १६.४ ओभरमा १ सय ४९ रनमा अल आउट भयो । इंग्ल्यान्डका जोनी बेयरस्टोले २१ बलमा ४ चौकासहित सर्वाधिक ३० रन बनाए । ओपनर जस बटलर १४ बलमा १ चौका र ३ छक्कासहित २९ रन जोड्दै आउट भए । जेसन रोय २०, डेविड मलान ५, मोईन अली २८, साम करन २ र लियाम लिभिङस्टोन १८ रनमा आउट भए । दक्षिण अफ्रिका स्पिनर तबरेज शाम्शीले ४ ओभरमा २७ रन खर्चेर ३ विकेट लिए । एन्डिले फेहलुकवयोले ३ ओभरमा ३९ रन खर्चेर ३ विकेट लिए । लुन्गी एनगिडीले दुई, कागिसो रबाडा र केशव महाराजले एक एक विकेट लिए । त्यसअघि कार्डिफमा टस हारेर पहिला ब्याटिङ थालेको दक्षिण अफ्रिकाले निर्धारित २० ओभरमा ३ विकेट गुमाउँदै २ सय ७ रन बनायो । त्यस्तै राइली रूसोले अविजित ९६ रनको उत्कृष्ट पारी खेले। ५५ बल खेलेका उनले १० चौका र पाँच छक्का प्रहार गरेका थिए। यस्तै रिजा हेन्ड्रिक्सले ५३ रन बनाउने क्रममा ३२ बल खेल्दै तीन चौका र दुई छक्का प्रहार गरे। रिजा हेनड्रिक्सले ३२ बलमा ३ चौका र २ छक्कासहित ५३ बनाए । उनको यो लगातार दोस्रो अर्धशतक हो । क्विन्टन डि कक १५, हेनरिक क्लासेन १९ र ट्रिस्टन स्टब्सले १५ रन जोडे । पहिलो खेलमा इंग्ल्यान्ड ४१ रनले विजयी भएको थियो । यी दुई टोलीबीचको तेस्रो तथा अन्तिम र निर्णायक खेल आइतबार हुनेछ।