प्रारम्भ खबर, असोज ११, काठमाडौँ । रामेछाप जिल्ला मन्थली नगरपालिका वडा नं. १४ स्थित फुलासी पोखरीमा नगर वडा स्तरीय भलिबल प्रतियोगिता एवम् वृहत साँस्कृतिक कार्यक्रमको आयोजना हुने भएको छ । दशै तथा तिहार लगायत साँस्कृतिक पर्वहरुको अवसर पारेर भुमे जागरण युवा क्लब र हाम्रो अभियान समाज सेवा यु्वा क्लबको संयुक्त आयोजनामा प्रतियोगिता एवम् साँस्कृतिक कार्यक्रम हुने भएको हो । ‘हाम्रो अभियान सभ्य समाजको पहिचान, हाम्रो अभियान युवा एकताको अभियान ’ भन्ने मूल नारा सहित युवाहरुबीच एकताको तथा भातृत्वको भावना स्थापित गर्ने उद्देश्यले अघिल्लो वर्षाहरुझै यस पटक पनि खेल प्रतियोगिताका साथै साँस्कृतिक कार्यक्रमको आयोजना गर्न लागिएको आयोजकले जानकारी दिए । मन्थली वडा नंं १४ स्थित फुलासी पोखरीको खेल मैदानमा हुने उक्त प्रतियोगिताको लागि सहभागी हुन नगरभित्रका विभिन्न क्लव, संघसंस्था तथा समूहका खेलप्रमीहरुलाई आह्वान गरेको छ । असोज १६ देखि १८ सम्म सञ्चालन हुने सो प्रतियोगितामा प्रथम, द्धितृय र तितृय हुने खेलाडी समूहलाई क्रमशः रु. ५० हजार, ३० हजार, २० हजार नगद पुरस्कार सहित मेडल तथा प्रमाणपत्र प्रदान गरिने आयोजकले जनाएको छ । त्यस्तै प्रतियोगितामा सांत्वना हुने खेलाडीलाई रु। ५ हजार नगद राशी सहित मेडल तथा प्रमाणपत्र प्रदान गरिने भएको छ । कार्यक्रमलाई सफल पार्न मिहेनती नेपाल कन्स्ट्रक्सन प्रा.लि. र अप्सन कन्स्ट्रक्सन प्रा.लि.को सहयोग रहने भलिबल प्रतियोगितासंगै साँस्कृतिक कार्यक्रममा ख्याती प्राप्त गायकहरु रोज मोक्तान, सन्जिव वाइवा, बैरागी मोक्तान, पासाङ लामा, सुरजचन्द्र घिसिङ, अविरल विराही थिङ र गायिका अञ्जु तामाङ सहित स्थानीय कलाकारहरुको बेजोड प्रस्तुती रहनेछ ।