कात्तिक १५, काठमाडौँ । गोकर्णेश्वर नगरपालिका स्थित वडा– ८ अत्तरखेलमा एक उम्मेद्वारको घरबाट दिउँसै चोरी भएको छ । मंसिर ४ गते सम्पन्न हुने निर्वाचनमा काठमाडौँ क्षेत्र नं. ३ बाट प्रतिनिधिसभा सदस्यको स्वतन्त्र उम्मेद्वार रहेका राजेश विष्टको घरबाट नगद सहित सुन चोरी भएको हो । मंगलबार दिउँसो करिव २ बजेको घरमा कोही नभएको मौकामा ताला फोरेर चोरी भएको विष्टले बताए । आफ्नो चुनावी अभियानसगै शिक्षण क्षेत्रमा लागेका विष्ट बेलुका घर आईपुग्दा चोरी भएको थाहा भएको बताए । चोरी भएको दृश्य देखेसंगै छिमेकी र प्रहरीलाई गुहारेको उनले बताए । भित्री मुख्य ताला फोरेर घरभित्रका कोठाहरुमा पसेर नगद रु. १० लाख र ५ तोला सुन चोरी भएको घरधनी विष्टले जानकारी दिए । उनी आफै प्रतिनिधिसभा सदस्यको उम्मेद्वार भइराख्दा आफ्नै घर सुरक्षित राख्न नसकिएकोमा दुःख व्यक्त गर्दै आम टोलबासी र नगरवासीलाई नै आफ्नो घरको सुरक्षामा विशेष ध्यान दिन आग्रह गरे । दिउँसै चोरी पस्नु र लुटपाट जस्ता घटना घटे पनि सरकारी संयन्त्रले त्यसतर्फ ध्यान दिन नसकेको भन्दै काठमाडौँ क्षेत्र ३ को स्वतन्त्र उम्मेद्वार समेत रहेको राजेश विष्टले अबको लडाई व्यवस्था बदल्न रहने बताए । शिक्षण र कानुनी क्षेत्रमा सक्रिया विष्टले समाजमा बढेको हिंसा, चोरी जस्ता अपराधिक गतिविधि रोक्न राजनीतिक दल र सरोकारवाला निकाय गम्भीर बन्नुपर्ने बताए । नगरपालिकामा आफ्नै सुरक्षाकर्मी छन्, नेपाल प्रहरी छन् तर जनताले सुरक्षाको अनुभूति गर्न सकेको छैन त्यसतर्फ सबैले ध्यान पु¥याउनुपर्ने बताए ।