सीमा विवादले समस्यामा परेका गाउँलेको चुनाव बहिस्कार गर्ने चेतावनी
अश्मी स्याङतान (कमला)
कात्तिक २७, सिन्धुपाल्चोक । देशभर निर्वाचनको लहर चलिरहदा डुम्रे गाउँका माझि समुदाय भने यतिखेर न्यायको भिख माग्दै आन्दोलनमा उत्रिएका छन् ।
आफूहरुले उपभोग गर्दै आएको जमिनको लालपूर्जा पाउनुपर्ने माग राख्दै आज जिल्ला प्रशासन कार्यालय चौतारा, चौतारा साँगाचोकगढी नगरपालिका र जिल्ला निर्वाचन कार्यालय पुगेका छन् । सिन्धुपाल्चोक र काभ्रेपाल्चोक जिल्लाको सिमानामा सिन्धुमा बस्दै आएका उनीहरु आफ्नो जमिनको क्षेत्रफल र लालपूर्जाबारे नै अनविज्ञ छन् । सम्बन्धित निकाय र राजनीतिक दलहरुले आफ्नो समस्याको बारेमा नबोलेको भन्दै निर्वाचन बहिस्कारको समेत चेतवानी दिएका छन् ।
सिन्धुपाल्चोक र काभ्रेले आफ्नो क्षेत्र भनेर दाबी गर्दै समस्या उब्जाइरहेको त्यस क्षेत्रमा पुर्खौदेखि बसोबास गर्दै आएका बासिन्दहरु मर्कामा परेका छन् । एउटै परिवारको एक भाइ सिन्धुको बासिन्द र अर्को भाइ काभ्रेको वासिन्द भनी अन्यायपूर्ण तवरले विभाजित गरेको उनिहरुको दुखेसो छ । एउटै सन्तानलाई ठाउँको नामले फरक बनाइदिदा सामाजि , सद्भाव लगायतमा उनिहरुलाई समस्या छ । आइताबार चौतारा आएका उनिहरुले भने “आज हामी गरिव सिमान्तकृत आदिबासि माझि समुदाय थप अन्याय र विभेदमा पर्यौ ।’ ठुलोबाबु माझी भन्छन् – करिब ४५ वर्षदेखि हाम्रो जमिनको क्षेत्रफल कति हो ?लालपुर्जा कस्तो हुन्छ ? थाहा छैन । हजुर बुवाको पालादेखिनै बुबाकाकाको नाममा जग्गा नामसारी हुन सकेको छैन । माझी समुदायका ४० घरपरिवार यो समस्या परेका हुन ।
डुम्रेबेसिका बासिन्दाहरुलाई आधा – आधा गरी विभाजन गरिदिएका कारण हामि कसैका हुन सकेनौ गुनटे माझि भने । दुखि हुदै उनिहरुले सुनाए “ उसै त पिछडिएका हामी राज्यले नै एकता खण्डित गरिदिएका कारण झनै कम्जोर हुन पुगेका छौ । सम्पतिको रुपमा रहेका सानासाना सुर्कासुर्कि बारीको पनि लालपूर्जा नहुदा गरि खाना पाएनौ । ” उनिहरुले गत वर्षहरुमा पनि यो समस्या समाधन गर्न अभियानै चलाएका थिए । ठूलोबाबु माझिले निराश हुदै भने हामिले गरेका भुमि फिर्ता अभियान मार्फतका सडक संघर्षबाट पनि निकास आएको देखिएन । उनिहरु माछा मार्ने र बालुवा गिट्टी , ढुङगा संकलन गरी गुजारा चलाउछन\ । उक्त काममा पनि विगत लामो समयदेखि बगर ठेक्का लिने ठेकेदार र नजिकै भएको क्रशर ब्यवसायिको कारण अवरुद्ध भयो ।
पटक–पटक आफ्नो समस्या सम्बोधनको लागि नगरपालिका धाएपनि सुनुवाई नभएको उनीहरु बताउँछन् । सम्बन्धित निकाय र राजनीतिक दलका उम्मेद्वारले आफ्नो समस्याको सम्बोधन नगरेको भन्दै मंसिर ४ गते हुने निर्वाचन बहिस्कार गर्ने चेतवानी दिएका छन् । आफू बसोबास गर्दै आईरहेको भूमिको कित्ता नापी गराई लालपूर्जा वितरण गर्न सम्बन्धित निकायसंग ध्यानाकर्षण गरेको छ । आफुहरुको समस्या केन्द्रीय सरकारसम्म पुर्याउन निर्वाचन आयोगलाई समेत आग्रह गरेका छन् ।