पुस १, काठमाडौँ । प्राज्ञिक विद्यार्थी परिषद्ले निःशुल्क शिक्षा प्रावधानलाई सुनिश्चित गर्न माग गरेका छन् । विहिबार विद्यार्थी परिषद्को केन्द्रीय कार्यालयमा आयोजना गरिएको पत्रकार सम्मेलनमा मार्फत शिक्षा क्षेत्रमा देखिएको व्याप्त राजनीतिक विकृति, शैक्षिक निकायमा दलीय हस्तक्षेपको अन्त्य र मौलक हकमा उल्लेख गरेअनुसारको माध्यामिक तहसम्मको शिक्षा निःशुल्क गर्न परिषद्ले मागरे गरेको हो । पत्रकार सम्मेलनमा परिषद्ले केन्द्रीय कार्यकारिणी समिति बैठक मार्फत दुई महत्वपूर्ण प्रस्तावहरू पारित गरेको छ । शिक्षा क्षेत्रको दलीय राजनीति अन्त्य तथा निःशुल्क शिक्षाको प्रावधानलाई सुनिश्चितता र युवाहरूमा बढ्दो दूव्यसनीको प्रभाव र सिमाक्षेत्रमा बढिरहेको घुसपैठको नियन्त्रणका लागि सरकार गम्भीर हुनुपर्ने प्रस्तावहरु राखेका छन् । परिषद्ले राष्ट्रिय महत्वका विभिन्न विषयमा चर्चा तथा योजनाको साथमा आफ्नो केन्द्रीय कार्यकारिणी समिति बैठक सम्पन्न गरेको विद्यार्थी परिषद्का राष्ट्रिय महासचिव छितराज न्यौपानेले पत्रकार सम्मेलन मार्फत जानकारी गराएका थिए । परिषद्ले केन्द्रीय कार्यकारिणी समिति बैठकबाट सार्वजनिक गरेको निर्णयहरू यस प्रकार रहेका छन् ।  बैठकबाट शैक्षिक र समसामयिक विषयमा दुईवटा महत्वपूर्ण प्रस्तावहरू पारित भएका थिए ।  पौष १ र २ गते देवघाटधाममा संस्कृत विद्यार्थी सम्मेलन सम्पन्न हुनेछ ।  देशभर पौष ३ गते देखि १० गतेसम्म वृहत सदस्यता अभियान सञ्चालन गरिनेछ ।  फागुन ५ र ६ गते राष्ट्रिय शिक्षा कार्यशाला सम्पन्न हुनेछ जसमा आधारभूततहदेखि उच्चतहसम्मको शिक्षाको बारेमा चर्चा तथा नीतिगत छलफल हुनेछ ।  देशका २५ स्थानमा जनजाति विद्यार्थी बैठक सम्पन्न हुनेछन् ।  प्रदेश स्तरमा माघ महिनाभित्र नगर सचिव बैठक सम्पन्न हुनेछन् ।  आगामी चैत्र १८, १९ र २० गते धनगढीमा १२०० जना प्रतिनिधिहरूको सहभागितामा नवौँ राष्ट्रिय अधिवेशन सम्पन्न हुनेछ ।  अर्को केन्द्रीय कार्यकारिणी समिति बैठक जनकपुरमा सम्पन्न हुनेछ ।  देशभर विभिन्न समयमा विद्यार्थीका लागि रचनात्मक तथा प्रशिक्षणात्मक कार्यक्रम सम्पनन हुनेछन् ।  माघ महिनामा काठमाडौँमा राष्ट्रिय मिडिया कार्यशाला सम्पन्न हुनेछ ।