फागुन २२, काठमाडौं । गृहिणी महिला संघ नेपालले ११४ औं अन्तर्राष्ट्रिय नारी दिवसका अवसरमा सुनौलो पाइलाका संस्थापक अध्यक्ष तथा युवा समाजसेवी रोजिना विष्ट रोज सहित १० महिलालाई सम्मान गरेको छ । सोमवार फरक विधामा रहेर समाजलाई विशेष योगदान पु¥याएका महिलाहरु सम्मानित भएका हुन् । समाजसेवी रोजिना विष्ट रोजसँगै सम्मानित हुनेमा कान्तिपुर टेलिभिजनकर्मी श्रद्धा अर्याल, अभिनेत्री केकी अधिकारी, गायिका तथा कार्यक्रम प्रस्तोता विष्णुमाया पौडेल, नर्भिक अस्पतालकी निर्देशक मेघा चौधरी, महिला उद्यमी देविका बुढाथोकी रहनु भएको छ । यसैगरी राष्ट्रिय महिला क्रिकेट टिमकी कप्तान इन्दु बर्मा, कानुनविद् तृष्णा न्यौपाने, वरिष्ठ नेत्ररोग विशेषज्ञ डा. सन्जिता शर्मा र शिक्षाविद् प्रा.डा. पदमा अर्याललाई पनि सम्मान गरिएको संघकी अध्यक्ष अमृता शर्माले जानकारी दिनु भयो । कार्यक्रममा भूमिसुधार तथा गरिबी निवारणमन्त्री रन्जिता श्रेष्ठ, राष्ट्रिय समावेशी आयोगका अध्यक्ष रामकृष्ण तिमिल्सिना र काठमाडौं वल्र्ड स्कुलका संयोजक नैना चन्द शाहको उपस्थिति थियो । अन्तर्राष्ट्रिय नारी दिवसका अवसरमा गृहिणी महिला संघ नेपालले गरेको सम्मानलेसामाजिक क्षेत्रमा काम गर्ने जिम्वेवारी बढेको महशुष गरेको समाजसेवी विष्टले बताउनु भयो ।