वैशाख १६, काठमाडौं । काठमाडौं महानगरका मेयर बालेन शाहले नेपालको जुनसुकै पालिकाको भए पनि अशक्त र गरिब नागरिक बिरामीले आफ्नो पालिकाबाट विपन्न असहायको सिफारिस लिएर आएमा निःशुल्क उपचार हुने व्यवस्था रहेको जनाएको छ । मेयर बालेनले आज आइतवार सामाजिक सञ्जालमार्फत अशक्त र गरिब नागरिक बिरामीहरुले आफ्नो स्थानीय तहबाट सिफारिस ल्याएमा बिरामीको आवश्यकताअनुसारको उपचार निःशुल्कमा गरिने जानकारी गराएका हुन् ।

उनले थप लेखेका छन्–‘हामीसँग ५२ अस्पतालका ३७४ बेड आवद्ध छन् । त्यहाँ बिरामीको आवश्यकता अनुसार निशुल्क उपचार हुनेछ । तपाईको टोल छिमेक वा आफन्ताहरू यो वर्गमा पर्नुहुन्छ भने खबर गरिदिनुहोला ।’

नम्बर ११८० वा, काठमाडौँ महानगरको स्वास्थ्य विभागमा सम्पर्क गर्न मेयर बालेनले आग्रह गरेका छन्।

चाहिने कागजातहरू

• नेपाल सरकार र प्रदेश सरकारर स्थानिय सरकारले लक्षित वर्ग हो भनी जारि गरेको कागजात र परिचय पत्र वा, राष्ट्रिय परिचयपत्र र नेपाली नागरिकता प्रमाण पत्र र जन्मदर्ता प्रमाणपत्र प्रतिलिपी र हालसालै खिचिएको फोटो र रोग पहिचान भए सोको कागजपत्र ।
• अनुसूची–५ को आधारमा सम्बन्धीत स्थानिय तहको वडाले लक्षित वर्ग हो भनी अनुसूची- ४ अनुसारको सर्जमिन गरेको कागज र, सम्बन्धीत स्थानिय तहको वडा कार्यलयले उपचारको लागी अनुसूची– ३ अनुसारको सिफारिस गरेको पत्र ।

बेवारिसे बिरामीले निशुल्क उपचार सेवा लिनका लागि चाहिने आवश्यक कागजातः

• आकस्मिक कक्षमा आएका बखत उपचार खर्च नभएका गरिव, बिपन्न तथा वेवारिसे बिरामीलाई प्रारम्भिक स्वास्थ्य उपचार निशुल्क प्रदान गर्नु पर्नेछ।