असार ३१, काठमाडौं । प्रधानमन्त्री केपी शर्मा ओलीले गठन गर्नुभएको मन्त्रिमण्डलअनुसार प्रधानमन्त्री ओलीले नेकपा एमालेबाट पृथ्वीसुब्बा गुरुङ सञ्चार तथा सूचना मन्त्रीमा र विद्या भट्टराई शिक्षा विज्ञान तथा प्रविधि मन्त्रीमा नियुक्त गर्नुभएको छ ।
प्रधानमन्त्री ओलीले प्रकाशमान सिंहलाई उपप्रधान तथा सहरी विकास मन्त्री र विष्णु पौडेललाई उपप्रधान एवं अर्थमन्त्रीमा नियुक्त गर्नुभयो ।
प्रधानमन्त्री ओलीले रमेश लेखकलाई गृहमन्त्रीमा र स्वास्थ्य मन्त्रीमा प्रदीप पौडेललाई नियुक्त गर्नुभयो ।
यसैगरी, परराष्ट्रमा आरजु राणा देउवा,कानुन न्याय तथा संसदीय मामिलामा अजय चौरासीया,पर्यटन तथा संस्कृति मन्त्रीमा बद्रीप्रसाद पाण्डे नियुक्त हुनुहुन्छ ।
यसैगरी रक्षामन्त्रीमा मानवीर राई, कृषिमन्त्रीमा रामनाथ अधिकारी, उद्योगमा दामोदर भण्डारी, श्रममा शरदसिंह भण्डारी, खानेपानीमा प्रदीप यादव र नवल किशोर साह महिला मन्त्री बन्नुभएको छ ।
उर्जामा दिपक खड्का, भौतिक पूर्वाधारमा देवेन्द्र दाहाल , भूमिसुधारमा बलराम अधिकारी, वनमा ऐनबहादुर शाही र खेलकुदमा तेजुलाल चौधरी नियुक्त हुनुहुन्छ ।
नव नियुक्त मन्त्रीहरूले पद तथा गोपनीयताको शपथ लिइसक्नु भएको छ ।
नवनियुक्त मन्त्रीहरू :
१. केपी शर्मा ओली, प्रधानमन्त्री
२. प्रकाशमान सिंह, उपप्रधान तथा सहरी विकास
३. विष्णु पौडेल, उपप्रधान तथा अर्थ
४. पृथ्वीसुब्बा गुरुङ, सञ्चार तथा सूचना मन्त्रालय
५. रमेश लेखक, गृह
६. शरतसिंह भण्डारी, श्रम तथा रोजगार
७. आरजु राणा देउवा, परराष्ट्र
८. नवलकिशोर साह सुडी, महिला बालबालिका
९. बलराम अधिकारी, भूमि व्यवस्था तथा सहकारी
१०. दामोदर भण्डारी, उद्योग वाणिज्य तथा आपूर्ति
११. देवेन्द्र दाहाल, भौतिक पूर्वाधार तथा यातायात
१२. तेजुलाल चौधरी, युवा तथा खेलकुद
१३. प्रदीप यादव, खानेपानी
१४. प्रदीप पौडेल, स्वास्थ्य
१५. अजय चौरसिया, कानुन न्याय तथा संसदीय मामिला
१६. बद्री प्रसाद पाण्डे, पर्यटन
१७. रामनाथ अधिकारी, कृषि
१८. विद्या भट्टराई, शिक्षा विज्ञान तथा प्रविधि
१९. मानवीर राई, रक्षा
२०. दीपक खड्का, जलस्रोत तथा ऊर्जा
२१. राजकुमार गुप्ता, संघीय मामिला तथा सामान्य
२२. ऐनबहादुर शाही ठकुरी, वन तथा वातावरण
