२४ वटा नेपालीको शव मलेशियाबाट नेपाल ल्याइयो
साउन १० गते, काठमाडौँ । नेपाल एय’रलाइन्सको जहाजलमा मलेशियाबाट २४ वटा नेपालीको शव नेपाल ल्याइएको छ । निगमको वाइडबडी ए३३० नामक जहाजले मलेशियाको राजधानी क्वालालम्पुरबाट एकैपटक २४ वटा शव र तीन वटा अस्तु नेपाल ल्याएको हो ।
वैदेशिक रोजगारीको सिलसिलामा मलेशि’यामा विभिन्न समयमा मृत्यु भएका नेपालीको शव बिहान नेपाल ल्याइएको निगमको उडान सञ्चालन विभागले जानकारी दिएको छ । वैदेशिक रोजगार प्रवद्र्धन बोर्डको समन्वयमा नेपाल ल्याइएका ती शव आजै आफन्तलाई जिम्मा लगाइएको छ ।
क्याप्टेन विजय लामाले आफ्नो फेसबु’कमा लेख्दै भनेका छन्, एक हप्ता भित्र मलेसिया बाट ३७ वटा शवहरु, तिनवटा अस्ति र अझै अर्को १८ वटा ल्याउनुनै छ बाकी । मनमा धेरै दुख लाग्दा लाग्दै पनि बाध्य छौ ल्याउनलाइ। देशको स्थितिनै यस्तै छ ।
विदेशमा श्रम र पसिना बेच्न गएका नेपाली दाजु’भाइ दिदिबहिनीको शव ल्याउदा जस्तो दुख पीडा अरु कुनै पनि उडान गर्दा हुन्न। यो कुरा देशको सरकारको निमित्त तथ्यांकमा मात्र सिमित हुने होला तर मृत व्यक्ति तथा उनका आश्रित परिवारको भने सर्वस्व गुमेको छ भन्दै उनले गुनासो गरेका हुन् । अझै अ’र्को उडानमा पनि १८ वटा शव ल्याउनु बाकी छ भन्ने कुरा पनि क्याप्टेनले बताए ।