१३ चैत्र, काठमाडौँ । पर्सा । हिन्दु राष्ट्र स्वाभिमान जागरण अभियानले वीरगन्जमा ‘प्रबुद्ध नागरिक गोष्ठी एवम् साहित्य परिचय’ कार्यक्रम भव्य रुपमा सम्पन्न गरेको छ । वीरगन्ज स्थित जैन धर्मशालामा आयोजित गोष्ठी कार्यक्रमलाई सम्बोधन गर्दै नेपाली चलचित्रका नायक एवं समबोधी फाउन्डेशनका अध्यक्ष निलिख उप्रेतीले ईतिहार, संस्कृति, परम्परा र जनसंख्याको आधारमा नेपाल स्वयंसिद्ध हिन्दु राष्ट्र नै रहेको बताए । उनले हिन्दु धर्म संस्कृति बैज्ञानिक संम्वत् छ, विज्ञानले पनि हिन्दु धर्म संस्कृति अनुसार नै चल्दै आएको छ यसलाई जर्गेना गर्न सकिएन भने, आउँने दिनमा नेपालबाट पनि विस्तारै लोप हुने उनले चिन्ता व्यक्त गरे । नेपालमा हिन्दु धर्म गौण हुदै गईरहेको छ, र बनावटी सिकिमको धर्मले छ्यापछ्याप्पै भईरहेको छ, उनले भने, ‘यसलाई समयमै नियन्त्रण गर्न सकिएन भने हाम्रो अस्तित्व नै समाप्त हुन्छ ।’नेपाललाई नेपाली जनताकै कारण हिन्दु राष्ट्र गुमाउँनु परेका छौ । उनले भने, ‘हाम्रै देश, गाउँ, परम्परा, भाषा र रहन सहन थियो, हामी कहिना कहि चुतेर विदेशीहरुको प्रभावमा परी ठूलो गल्ती गरेका छौ जसको कारणले गर्दा हाम्रो परम्परा, मुल्य मान्यता दबिएको छ ।’       कार्यक्रममा नायक निखिल उप्रेती, राजनितिक विश्लेषक देवेश झा, बरिष्ठ समाजसेवी अशोक बैद्य, कार्यक्रम संयोजक माधव राजपाल, बाबा बजरंगी दास र अभियानका जिल्ला संयोजक सत्रुधन गिरीले ‘हिन्दुराष्ट्र नेपाल’ नामक तयार पारिएको पुस्तकको संयुक्त रुपमा विमोचन समेत गरेका थिए । एन प्याप्सन पर्साका अध्यक्ष राम श्रेष्ठ, प्याप्सन नगर अध्यक्ष आलोक चौरसिया, संघका जिल्ला संघचालक ललन द्धिवेदी, हिन्दु स्वयंसेवक संघका विभाग सेवा प्रमुख रामेश्वर गुप्ता, आरएसएस रक्सौलका स्वयसेवक राजकुमार गुप्ता, काँग्रेस युवा नेता राकेश यादव लगायतले कार्यक्रमका अतिथिहरुलाई मायाको चिन्हो, तथा गम्छा ओढाई भव्य रुपमा सम्मान गरेका थिए । ह्जारौंको सहभागितामा सम्पन्न कार्यक्रममा हिन्दु राष्ट्र स्वाभिमान जागरण अभियानले तयार पारेको ‘हिन्दुराष्ट्र नेपाल’ नामक पुस्तक, जनचेतना मुलक फोल्डर र घर—घर हामी जाऔं आफनो धर्म आफै बचाऔं, धर्म निरपेक्षतालाई डाँडो कटाऔं हिन्दु राष्ट्र पुनः लेखाऔं नाला अंकित स्टीकर समेत वितरण गरिएको थियो ।