चैत १३, काठमाडौँ । कागेश्वरी मनोहरा नगरपालिका–८ स्थित शिवाचोकमा रहेको दि सेलिब्रेसन को–एड्ले आयोजना गरेको इन्टर हाई स्कूल हिज्जे प्रतियोगीतामा इष्टपोल स्कूलका विद्यार्थी प्रथम भएका छन् । प्रतियोगितामा ३२ विद्यालयलाई पछि पार्दै जोरपाटीको इष्टपोल स्कूलमा अध्ययनरत विद्याथीले पहिलो स्थान हासिल गरेका थिए । त्यस्तै नेशनल क्रियटिभ को–एड् दोस्रो बन्न सफल भएको छ भने हिम रश्मी मा.वि. तेस्रो हुन सफल भएको छ । प्रथम हुने प्रतियोगीहरुले शिल्ड, मेडल, प्रमाणपत्र सहित गिफ्ट हेम्बर प्रदान गरिएको आयोजकले जनाए । दोस्रो र तेस्रोलाई पनि क्रमशः मेडल, शिल्ड, प्रमाणपत्र सहितको पुरस्कार वितारण गरेको छ । सेलिब्रेसनले १० औँ संस्करणमा आयोजना गरिएको सो प्रतियोगीतामा विभिन्न ३३ वटा विद्यालयहरुबाट विद्यार्थीहरुले भाग लिएको दि सेलिब्रेसन को–एड्का प्रवन्धक टासी लामाले जानकारी दिए । साथै प्रतियोगितामा भाग लिएका सबै विद्यार्थी तथा शिक्षक प्रतिनिधिहरुलाई समेत मायाको चिनो प्रदान गरिएको उनले बताए । शैक्षिक पाठ्यक्रममा समावेश गरिएको विषयवस्तु तयार पारी विद्यार्थीहरुलाई प्रतियोगितामा सहभागी गराएको प्रवन्धक लामाले बताए । कोभिडका कारण विद्यार्थीहरुको पढाईमा परेको असर र पढ्ने बानीको विकास गराउने उद्देश्यले प्रतियोगीताको आयोजना गरिएको लामाले बताए । हिज्जे प्रतियोगिताले पढ्ने बानीको विकाससंगै स्मरण शक्तिको पनि विकास हुने भएकोले हरेक वर्ष सेलिब्रेसनले आयोजना गर्दै आएको बताए ।