हिमालय मैत्री फाउण्डेशनारा सञ्चालित ३ महिने बौद्ध सम्भोटा शिक्षाको प्रारम्भिक कक्षा सम्पन्न
बैशाख ४, काठमाडौँ । हिमालय मैत्री फाउण्डेशन नेपालद्वारा सञ्चालित बौद्ध शिक्षा अन्तरगत सम्भोटा प्रारम्भिक शिक्षाको सही उच्चारण कक्षा समापन गरेको छ ।
शनिवार बौद्ध स्थित फाउण्डेशनकै कार्यालयमा एक कार्यक्रम गरी भेन लिम से फोनको प्रमुख आतिथ्यता र हिमालय मैत्री फाउण्डेशनका संस्थापक श्रद्धेय धर्मगुरु खेन रिम्पोछे फूर्वादोर्जे लामा तामाङले सहभागी प्रशिक्षार्थीहरुलाई प्रमाणपत्र वितरण गर्नुभयो । प्रमाणपत्र वितरण कार्यक्रममा सम्बोधन गर्दै श्रद्धेय धर्म गुरु खेन रिम्पोछे फूर्वादोर्जेले बौद्ध धर्मको अभ्यास र त्यसको जीवन उपयोगी बारे प्रवचन दिनुभयो । बौद्ध शिक्षाले मानव प्राणीलाई समाजमा जिउनका लागि शारिरिक तथा मानसिक रुपमा तयार पार्ने र व्यक्तित्व निर्माणमा सहयोग गर्ने रिम्पोछे तामाङले बताउनुभयो । धर्म अनुशासनको मार्गदर्शन गर्ने पाटो भएको बताउनुहुदै समाजको हीतका निम्ती काम गर्न सबैलाई सकारात्मक सन्देश प्रवाह गरिने बताउनुभयो ।
त्यस्तै हिमालय मैत्री फाउण्डेशनका अध्यक्ष धर्मगुरु आचार्य थुप्तेन लामा (अशोक घिसिङ) ले कार्यक्रमको सहजीकरण गर्दै बौद्ध शिक्षालाई जागारणको रुपमा अगाडी बढाउन प्रारम्भिक चरणको कक्षाहरु सञ्चालन गर्दै आएको बताउनुभयो । कार्यक्रममा फाउण्डेशन अन्र्तगत मैत्री जागारण क्लवका ४० जना विद्यार्थीलाई टिसर्ट समेत वितरण गरिएको थियो । विभिन्न विद्यालयमा अध्ययनरत बालबालिकाहरुलाई हरेक शनिवार बौद्ध शिक्षा र जीवन उपयोगी बारे कक्षा सञ्चालन गराउँदै आएको फाउण्डेशनका महासचिव आचार्य बुद्ध लामाले जानकारी दिनुभयो ।