च्याम्पियन्स लिगको फाइनलमा लिभरपुल
२१ बैशाख, काठमाडौँ ।
बैशाख २१, काठमाडौं । युइएइफए च्याम्पियन्स लिगको फाइनलमा इंग्लिस क्लब लिभरपुल प्रवेश गरेको छ ।
भिल्लारियलको पुनरागमन प्रयासलाई रोक्दै लिभरपुलले मंगलबार युरोपेली च्याम्पियन्स लिगको फाइनल यात्रा तय गरेको हो।
बुधबार राति भएको खेलमा भिल्लारियलमा सुरुवाती समयमा २–० ले पछि परेपनि लिभरपुलले ३–२ को पूनरागमन जित निकाल्न सफल भयो ।
पहिलो लेगमा लिभरपुलले २–० को जित निकालेको थियो । त्यसमा फाविन्हो, लुइस डियाज र साडियो मानेले गोल गरे ।
खेलको तेस्रो मिनेटमा बोउलाय डियाले गोल गर्दै भिल्लारियललाई सुरुवाती अग्रता दिलाए । उनले इटिने कापोइको पासमा गोल गर्न सफल भएको थियो । ४१औं मिनेटमा फ्रान्सिस कोक्विलिनले इटिने कापोइको पासमा गोल गर्न सफल भएको थियो ।
६२औं मिनेटमा फाविन्होले मोहम्मद सलाहको पासमा गोल गर्दै खेललाई २–१ को स्थितिमा ल्याए । ६७औं मिनेटमा परिवर्तित लुयस डियाजले ट्रेन्ट एलेक्सान्डर आर्नोल्डको पासमा गोल गर्दै खेललाई २–२ गोलको बराबरीमा ल्याउदै समग्रमा अग्रता बढाउन सफल भयो ।
पछिल्लो पाँच वर्षमा लिभरपुल च्याम्पियन्स लिगको फाइनल पुगेको यो तेस्रो पल्ट हो । अब लिभरपुलले उपाधिका लागि स्पेनिस क्लब रियल म्याड्रिड र इंग्लिस क्लब म्यानचेस्टर सिटीबीचको विजेतासँग मे २९ मा खेल्नेछ ।