असार २७, काठमाडौँ । शैक्षिक संघसंस्थाहरुमा विद्यार्थीलाई रचनात्मक एवम् प्रयोगात्मक भन्दा विद्यार्थीको मनोभावना विपरित जबरजस्ती रुपमा पढाउने र गृहकार्य नगर्दा शिक्षकहरुबाट विद्यार्थी कुटिने प्रवित्ति अझै हटेको छैन् । बालबालिकाहरुलाई मनोविज्ञान विपरित क्षमताभन्दा बढि गृहकार्य गर्न लगाउने र घोकन्ती शिक्षण प्रक्रियामार्फत मानसीक र शारिरिक रुपमा बोझ बनाउँदै आएका छन् । त्यस्तै राजधानी काठमाडौैँकै केही नीजि विद्यालयहरुमा पनि त्यही अभ्यास चलिरहेको छ । काठमाडौँ महानगरपालिका–४ स्थित धुम्बाराहीको दी इन्साइट भिजन स्कूलको कक्षा ५ मा अध्ययनरत वर्ष ११ को सिजन श्रेष्ठमाथी गृहकार्य नल्याएको भन्दै एक शिक्षिकाले सुम्लो उठ्ने गरी कुटपिट गरेकी छिन् । उनकै कक्षामा पढ्ने अन्य विदार्थीमाथी पनि कुटपिट गर्ने गरेको पीडितहरुले बताए । पीडितको अभिभावकले भने– बाबु स्कूल जान नमान्ने, टोलाउने, बेलाबेलमा झस्किने गरेको र कारण बुझ्दै जाँदा खुट्टामा निलडाम देखाए । यसरी बच्चाको मानसीक मनोविज्ञानमा असर पुग्ने गरी कुटपिट गर्नु सामाजिक अपराध हो । शिक्षा दिने ठाउँमा हिंस्रक क्रियकलाप पटक–पटक घट्नु नेपालको शैक्षिक प्रणालीमाथी नै प्रश्न उठ्नु हो । त्यस्तै शिक्षामा व्यापारिकरण हुुनु, स्कूले विद्यार्थीहरुलाई आफुभन्दा ठूलो कितावको भारी बोकाउनु, क्षमताभन्दा बढि गृहकार्य दिनु, घोकन्ती शिक्षा प्रणाली अपनाउनु, विद्यालयमा अतिरिक्त क्रियाकलापका सामाग्रीहरु पर्याप्त मात्रमा नहुनु, प्रयोगात्मक र व्यवहारिक शिक्षामा जोड नदिनु शिक्षा क्षेत्रको ठूलो समस्या हो ।