“पर्यटन प्रर्वद्धनका लागि ओढार र गुफाहरुको प्रचारप्रसार आवश्यक”
साउन ५, काठमाडौँ । मानव जातिको उत्पति, जाति, भाषा, लिपि, संस्कार र संस्कृतिलाई विश्वसामु चिनाउन तथा पर्यटन प्रर्वद्धनका लागि ओढार र गुफाहरुको प्रचार÷प्रसार गर्न आवश्यक रहेको बताएको छ ।
बागमति प्रदेश सांसद एवम् पूर्व मन्त्री रामेश्वर फुयाँलले संसारकै ईतिहास खोतल्न गुफाको अध्ययन आवश्यक रहेको बताउँदै नेपालमा पनि त्यस्ता गुफा तथा ओढारहरुको अध्ययन तथा संरक्षणको अभियान थाल्नुपर्ने बताएका छन् । सांसद फुयाँलका अनुसार देशको जाति, भाषा, लिपि तथा विकासको अध्ययन गर्न गुफा र ओढारहरुको अध्ययन, अनुसन्धान एवम् संरक्षण र प्रर्वद्धन गर्न जरुरी छ । नेपालको पर्यटन वृद्धि विकासमा सहयोग पुग्ने भएकोले देशभर रहेको ऐतिहासिक गुफा तथा ओढारहरुको उचित प्रचार प्रसारमा लाग्न सम्बन्धित निकायहरुले ध्यान दिनुपर्ने बताएका छन् ।
त्यस्तै काठमाडौँकै उपत्यकामा थुप्रै ओढार तथा गुफाहरु रहेका छन् । आफु प्राकृतिक तथा सांस्कृतिक सम्पदाहरुको प्रर्वद्धनतर्फ लागेको बताउँदै सांसद फुयाँलले आफ्नो निर्वाचन क्षेत्रमा रहेको गुफा तथा ओढारहरुको अवलोकन गर्दै त्यसको संरक्षण एवम् प्रचारप्रसारमा लाग्न स्थानीयवासी र सञ्चारकर्मीहरु आग्रह गरे । सांसद फुयाँल कागेश्वरीधाम पूर्वपट्टिको ऋषिले तप गरेको गुफा, तारेभिर गुफा, बाटुलेसिममाथिको गुफा, सुन्दरीजल क्षेत्रका ओढारहरु, मणिलिङ्गेश्वर क्षेत्रका ओढारहरुलाई संरक्षणमा जोड दिदै प्रकृति र पूर्खाका उपहारको प्रेमपूर्वक हिफाजत गरौँ, श्रम सम्मानको संस्कृतिलाई प्रोत्साहन गरौँ, सकारात्मक सोच राखौँ पर्यटनमैत्री वातावरण निर्माणमा गरौँ भन्ने सन्देश उनको छ ।