मन्थलीमा वडा स्तरीय भलिबल प्रतियोगिता हुने
भदौ १९, काठमाडौँ । रामेछाप मन्थली नगरपालिकामा वडा स्तरीय भलिबल प्रतियोगिता हुने भएको छ । भुमे युवा जागरण युवा क्लवले आउँदै गरेको विजयी दशमीको अवसर पारेर उक्त प्रतियोगिताको आयोजना गर्न लागेको बताएको छ ।
मन्थली वडा नंं १४ स्थित फुलासी खेल मैदानमा हुने उक्त प्रतियोगिताको लागि सहभागी हुन नगरभित्रका विभिन्न क्लव, संघसंस्था तथा समूहका खेलप्रमीहरुलाई आह्वान गरेको छ । असोज १५ देखि १७ सम्म सञ्चालन हुने सो प्रतियोगितामा प्रथम, द्धितृय र तितृय हुने खेलाडी समूहलाई क्रमशः रु. ५० हजार, ३० हजार, २० हजार नगद पुरस्कार सहित मेडल तथा प्रमाणपत्र प्रदान गरिने आयोजकले जनाएको छ । त्यस्तै प्रतियोगितामा सांत्वना हुने खेलाडीलाई रु. ५ हजार नगद राशी सहित मेडल तथा प्रमाणपत्र प्रदान गरिने भएको छ ।
प्रतियोगितामा सहभागी हुन मन्थली नगरपालिका वडा १ देखि वडा १४ सम्मकै खेलाडीहरुलाई आह्वान गरेको छ । खेलको माध्यमबाट भातृत्वको भावना स्थापना गर्ने, सामाजिक उत्तरदायित्व एवम् अनुशासन सहितको आचारण निर्माणमा सहयोग पु¥याउने भएकोले विगतका बर्षहरूझै यस बर्ष पनि भुमे युवा जागरण क्लबद्वाराले साँस्कृतिक चाड दशै विशेष कार्यक्रम अन्तर्गत खेल प्रतियोगिताको आयोजना गर्न लागेको बताएको छ ।
खेलाडीहरुलाई सहभागी बन्न र आवश्यक जानकारीका लागि यहाँ उल्लेख गरिएको व्यक्ति तथा मोबाईल नम्बरमा सम्पर्क गर्न आग्रह गरेको छ । अध्यक्षः दुर्गलाल तामाङ (9844230287)
उपाध्यक्षः रोशन मगर (9843903241)
सचिबः मिनु मोक्तान (9865103912)