ग्रमिण सडक सञ्जालहरुलाई व्यवस्थित बनाई आर्थिक वृद्धिस्तर बढाउने– सूर्यमान दोङ
कात्तिक ८, काठमाडौँ । मंसिर ४ गते हुने प्रदेश तथा प्रतिनिधिसभा सदस्य निर्वाचनपछि काभ्रे निर्वाचन क्षेत्र १ मा सडक सञ्जालहरुलाई व्यवास्थित बनाई जनताको आर्थिक वृद्धिस्तर बढाउने वाम–लोकतान्त्रिक गठबन्धनका साझा उम्मेद्वार सूर्यमान दोङ (लालध्वज) ले बताएका छन् ।
मंगलबार काठमाडौँमा आयोजित भेटघाट तथा शुभकामना आदानप्रदान कार्यक्रममा सो कुरा बताएका हुन् । ‘विकास निर्माणसंगै आर्थिक र सामाजिक सचेतनाका लागि गठबन्धनका उम्मेद्वारहरुले लोकप्रिया र दूरदर्शी रणनीति बनाएका छन्’ – उनले भने । प्रतिनिधिसभा सदस्यका लागि माओवादी केन्द्रबाट उम्मेद्वार बनेका दोङले मतदाताहरु सचेत भईसकेका छन्, गठबन्धनले बोकेको रणनीतिकै कारण निर्वाचनमा गठबन्धनका उम्मेद्वारहरुको जीत सुनिश्चित रहेको बताए । पूर्व राज्यमन्त्री समेत भइसकेका सूर्यमान दोङले आफ्नो अनुभवलाई थप परिमर्जन गर्दै जनताको आवश्यकतालाई मध्येनजर गरी निर्वाचन क्षेत्रभित्रका सडक सञ्जालहरुलाई पूर्ण रुपमा व्यवस्थित बनाउने र आर्थिक वृद्धिस्तर बढाउने लक्ष्य प्रस्तुत गरे ।
त्यस्तै नमोबुद्धदेखि रोशी गाउँपालिका हुँदै तारा खस्यौली पर्यटकीय क्षेत्र र दुई गाउँपालिकाहरु महाभारत र खानीखोला जोड्ने सडक सञ्जाललाई विशेष प्रामिकतामा राखेर केन्द्रीकृत योजनामा लाने बताए । उनले एमालेका उम्मेद्वार रेशम लामालाई इंकित गर्दै व्यवस्था विरोधी र संविधानलाई समाप्त पार्ने उम्मेदवारबाट जनताले कुनै आशा गर्न नसकिने बताए । जनताले समयानुसार परिवर्तन चाहेको र आफ्नो अधिकारको पूर्ण रुपमा प्रयोग गर्न पाउने स्वतन्त्रता खोजेको कुरा गठबन्धनले मात्र पूरा गर्न सकिने भएकोले सहयोग गर्न सुझाए । ‘सहकार्य र साझेदारी मार्फत मात्र विकास सम्भव हुन्छ त्यो कुरा गठबन्धनका उम्मेद्वारले मात्र पूरा गर्न सक्छ’ – दोङले भने ।
त्यस्तै काभ्रे क्षेत्र नं. १ प्रदेश (ख) नेपाली काँग्रेसबाट गठबन्धनका साझा उम्मेद्वार बनेका तीर्थ लामाले सामाजिक परिवर्तन र विकासको गतिलाई तिब्रस्तरमा वृद्धि गर्न आफ्नो उम्मेद्वार रहेको बताए । संविधान सदस्य एवम् नेपाली काँग्रेस काभ्रेका जिल्ला सभापति समेत रहेका लामाले निर्वाचन क्षेत्रमा युवा वेरोजगार समस्या अन्त्य गर्न उत्पादन केन्द्रीत रणनीतिक कार्यक्रमहरु ल्याउने प्रतिवद्धता गरे । निर्वाचन क्षेत्रका प्रत्येक वडा गाउँबस्तीका जनभावनालाई आत्मासाथ गर्दै विभेदरहित ढंगले योजना प्रस्तुत गर्ने उम्मेद्वार लामाले प्रतिबद्धता जनाए । उनले मंसिर ४ को निर्वाचन अग्रगमन र प्रतिगमन बीचको लडाइँ रहेको बताउँदै कानुन मास्न खोज्ने विरुद्ध नागरिकहरु सचेत हुनपर्ने बताए ।
त्यस्तै काभ्रे क्षेत्र नं. १ का लागि नेकपा (एकीकृत समाजवाद) कलम चिन्हबाट उम्मेद्वारी रहेकी रामदेवी तामाङले विकास निर्माणसंगै पयटकीय क्षेत्रको प्रचारप्रसारमा जोड दिईन् । काभ्रे संघीय राजधानी नजिकै रहेको र प्राकृतिक, साँस्कृतिक एवम् धार्मिक पर्यटकीय क्षेत्रहरु ओझेलमा रहेका कारण आर्थिक रुपमा पछाडि परेको बताईन् । उनले काभ्रेको तारा खस्यौली पोखरी, नमोबुद्ध, तीनधार झर्ना, तेमाल क्षेत्रको साँस्कृतिक सम्पदा लगायतको संरक्षण र विकासमा जोड दिने बताईन् । नमोबुद्ध नगरपालिकाको उपमेयर समेत बनिसकेकी तामाङले सुशासन, विकास योजना तथा महिलाहरुको सीप विकाससंगै आर्थिक रुपमा सबल बनाउने योजनाहरु प्रस्तुत गरिन् ।
कार्यक्रममा नेकपा एकीकृत समाजवादीका केन्द्रीय परिषद सदस्य एवम् काभ्रे क्षेत्र नं. १ निर्वाचन परिचालन कमिटिका सहसंयोजक लाप्साङ लामाले राज्य व्यवस्था परिवर्तनमा सहयोग पु¥याउन सहकार्य र साझेदारीको भावनाअनुरुप गठबन्धन बनेको बताए । सोही क्षेत्रमा एकीकृत समाजवादीको प्रत्यक्ष उम्मेद्वारी नरहे पनि गठबन्धनका उम्मेद्वारहरुलाई मतदान गर्न र गराउन सबैलाई आह्वान गने बताए ।
गठबन्धनको जीत भनेको मूलुककै समृद्धि र परिवर्तनका लागि हो । राजनीतिक छाडापन, अहमतावाद एवम् निरंकुशतन्त्रको अन्त्य गर्न पाँच दलीय गठबन्धन भएको प्रस्टयाए ।
पत्रकार एवम् समाजवादी प्रेस संगठन काठमाडौँका अध्यक्ष भीम लामाले सहजीकरण गरेको सो कार्यक्रममा रोशी गाउँपालिकाबाट काठमाडौँमा आई विभिन्न पेसा व्यवसायी गरी बस्नुभएकाहरुसंग परिचय तथा भेटघाट कार्यक्रम गरेका थिए ।