फागुन १४, काठमाडौँ । पर्साको ठोरीमा रहेको एम.ई.आई स्कूलमा विज्ञान प्रर्दशनी सम्पन्न भएको छ । उक्त स्कूलमा अध्ययन गरेका बालबालिकाहरुले आफ्नो ज्ञान, सीप, क्षमता र कलाको माध्यमबाट निर्माण गरिएको विज्ञान प्रविधि एवम् रचनात्मक वस्तुहरुको प्रर्दशनी गरेका हुन् । स्कूलको प्राङ्गणमा भएको प्रर्दशनीमा अभिभावकहरु, शिक्षक तथा विदेशी स्वंयमसेवकहरुको समेत सहभागीता रहेको थियो । व्यवहारिक र प्रयोगात्मक विधिमार्फत विद्यार्थीहरुको रुचि अनुसार शिक्षण सिकाईको अभ्यास गर्ने उद्देश्यले विज्ञान प्रर्दशनीको आयोजना गरिएको प्रिन्सिपल द्रौपदी लामाले जानकारी दिईन् । पर्साको गौतम नगर ठोरीमा नर्सरीदेखि कक्षा ५ सम्मा पढाइ हुने एम ई आई स्कुलमा ५० भन्दा बढि विद्यार्थी छात्रावृत्तिमा अध्ययन गरेका छन् । विकट र आर्थिक अवस्था कमजोर रहेको त्यस बस्तीका अभिभावकलाई सरल र सहज होस भन्ने उद्देश्यका साथै विद्यार्थीको सार्वङ्गीण विकासका लागि किताबी ज्ञानसंगै प्रयोगात्मक विधिको शिक्षण सिकाईलाई जोड दिएको प्रिन्सिपल लामाले बताईन् । विद्यार्थीहरुले सिकेका ज्ञानहरुलाई विभिन्न वस्तु निर्माण, चित्र लेखन, बोट विरुवा उत्पादन लगायत जीवनमा आवश्यक सामग्रीहरुको समेत प्रर्दशन गरेका थिए ।   हेर्नुस तस्बीहरु