समुदाय जागरणको तेस्रो हप्ता कपनको आकाशेधारादेखि मिलनचोकसम्म पद यात्रा
असार १३, काठमाडौँ । सूचनाको हकका लागि राष्टिय महासंघ, काठमाडौँ जिल्ला र उपत्यका समितिको संयूक्त आयोजनामा चलिरहेको समुदाय जागरण अभियान तेस्रो हप्तामा प्रवेश गरेको छ । शनिवार बिहान ६ः३० बजे जुगल गुरुकुल बिद्यालयको बिद्यार्थीहरुले स्वस्ती वाचन गरी सुरू गरिएको पद यात्रा वडा नं १० को कार्यालयबाट मिलन चोक पुगेर समापन भएको थियो ।
पदयात्रा कार्यक्रममा प्रमुख अतिथिको रुपमा संघिय प्रतिनिधि सभाको उपसभामुख इन्दिरा रानाले अभियानलाई ऐक्यबद्धता जनाउँदै यस्ता अभियान प्रत्येक टोलटोलमा संचालन गर्नुपर्ने भन्दै आयोजक संस्थालाई धन्यवाद दिनुभयो । सूचनाको हक प्रत्येक व्यक्तिको लागि संविधानले मौलिक हकको रुपमा ग्यारेन्टी गरिएकोले यसको प्रयोग गरी नागरिकले भरपुर फाइदा लिने र सार्वजनिक निकायलाई जवाफदेही बनाउनुपर्ने बताउनुभयो ।
कार्यक्रममा ऐक्य बद्धता जनाउँदै बिशेष अतिथि प्रमुख सूचना आयुक्त महेन्द्रमान गुरूङले राज्यले ल्याएको कानुनको प्रयोग गरी नागरिकले आफ्नो समाजमा भएको अनियमितता र भ्रष्टाचार अन्त्य गर्न योगदान गर्नुपर्ने बताउनुभयो । कार्यक्रममा बागमती प्रदेश सांसद जयराम थापा र मिना पराजुलीले पनि ऐक्यबद्धदा जनाई यात्रामा सहभागि भएका थिए । कार्यक्रमको संयोजना सूचनाको हकका लागि राष्टिय महासंघ उपत्यका प्रदेश सदस्य बिष्णु प्रसाइले गर्नुभएको थियो भने समापन मन्तव्य अध्यक्ष ताराबहादुर भन्डारीले गर्नुभएको थियो ।
मन्तव्यमा भन्डारीले नागरिकलाई जगाउन यस्तो अभियान संचालन गर्नुपरेको बताउँदै हरेक शनिवार विहान एक घण्टा यसरी नै विभिन्न स्थानमा अभियान संचालन गरिने बताउनुभयो । पदयात्रामा स्थानीय सिद्देश्वर योग साधाना केन्द्रका योग साधकहरुको सहभागिता रहेको थियो । धन्यवाद मन्तव्य दिंदै सिद्देश्वर योग साधाना केन्द्रका संरक्षक कृष्ण कुमार पोखरेल (श्याम) ले पदयात्रा सफल बनाउन योगदान गर्ने सम्पूर्ण महानुभावहरुलाई धन्यवाद दिनुभएको थियो ।