टेकु परिसर तनावग्रस्त, ४ राउण्ड अश्रुग्याँस प्रहार
साउन १७, काठमाडौँ । जिल्ला प्रहरी परिसर टेकुमा तामाङ र मगर समुदायको तर्फबाट घेराउ गर्न पुगेका प्रर्दशनकारीहरूलाई नियन्त्रण लिने क्रममा झडप भएको छ ।
आन्दोलनलाई नियन्त्रणमा ल्याउन प्रहरीले ४ राउण्ड अश्रुग्याँस प्रहर गरेको छ । उक्त झडपमा ४ प्रर्दशनकारी गिरफ्तारी भएको छ भने १ प्रहरी घाइते भएको छ । झडपमा परेर दर्जनौ प्रर्दशनकारीहरू घाईते भएका छन् । स्तिथि तनावग्रस्त हुँदै जाँदा थप प्रहरी परिचालन गरेको छ ।
केही समय अगाडी एक टेलिभिजनमार्फत अन्तरवार्तामा तामाङ र मगर समुदायमाथी गलत अभिव्यक्ति दिने अधिवक्ता भगवती पाण्डे (शीतल) लाई प्रक्राउ नगरेको भन्दै विरोध प्रर्दशन भएको हो ।
नेपाल तामाङ घेदुङ, नेपाल मगर संघ, मंगोल नेसनल अर्गनाइजेशन लगायत संघसंस्थाहरूको अह्वानमा भएको सो घेराउ कार्यक्रममा सांस्कृतिक पहिचानमाथी अपमान गरेको भन्दै नारा लगाएका थिए । जातिय भेदभाव तथा द्वन्द सिर्जना हुने काम गरेको भन्दै पाण्डेलाई तत्काल पक्राउ गरी कारवाहीको दायरामा ल्याउन प्रर्दशनकारीको माग छ ।
तामाङ र मगर समुदायको संस्कार र संस्कृतिमाथी भ्रम पैदा गराउन खोजिएको भन्दै ध्यानाकर्षणसहित जिल्ला अदालत काठमाडौँमा उजुरी दर्ता गरेका थिए । अदालतबाट पक्राउ पुर्जी जारी भए पनि प्रहरीले पाण्डेलाई पक्राउ नगरेको भन्दै आज जिल्ला प्रहरी परिसर टेकु घेराउ गर्न पुगेका थिए ।
भिडियोमा
https://www.youtube.com/watch?v=8mv5Vzd11bg