फागुन १९, काठमाण्डौ ׀ मेगा बैंक र रिटर्नी माइग्रेन्ट नेपालबीच विदेशबाट फर्केकालाई सहुलियत कर्जा प्रदान गर्नको लागि सम्झौता भएको छ ׀ आफ्ना सदस्य उद्यमीहरुलाइ रिटर्नी माइग्रेन्ट नेपालले सिफारिस गर्ने र मेगा बैंकले अधिकतम १० लाखसम्मको कर्जा प्रवाह गर्नेगरी एक समारोहका बीच आज सम्झौता भएको हो ׀ सम्झौता अनुसार मेगा क्यापिटलले उद्यमीहरुको परियोजना प्रस्ताव तयार गर्ने, वित्तीय साक्षरता तथा ब्यबसायिक परामर्श प्रदान गर्ने कार्य गर्नेछ ׀ सो सम्बन्धि सम्झौता पत्रमा बैंकका तर्फबाट प्रमुख कार्यकारी अधिकृत अनुपमा खुन्जेली, रिटर्नी माइग्रेन्टका तर्फबाट अध्यक्ष उत्तम अधिकारी र मेगा क्यापिटलका तर्फबाट प्रमुख कार्यकारी अधिकृत सबिर बादे श्रेष्ठले हस्ताक्षर गरेका हुन् ׀ समारोहमा बैंकका तर्फबाट बिना झन्झट सेवाग्राहीलाई सेवा उपलब्ध गराउने र त्यसका लागि असल उद्यमी सदस्यको पहिचान गरी संस्थाले गर्ने सिफारिस महत्वपूर्ण हुने प्रमुख कार्यकारी अधिकृत खुन्जेलीले बताउनुभयो ׀ रिटर्नी माइग्रेन्ट नेपालका तर्फबाट यस अघि बिभिन्न बैंकसंग भएका सम्झौता कार्यन्वयनका क्रममा देखिएका जटिलता दोहोरिन नदिन बैंकको उच्च नेतृत्व सचेत रहनुपर्नेमा जोड गरिएको थियो ׀ २०७५ सालमा स्थापित रिटर्नी माइग्रेन्ट नेपालले बैदेशिक रोजगारबाट फर्केका युवाहरुलाई स्वदेशमै उद्यमी बन्न संगठित गर्दै क्षमता बिकास, सामुहिक लगानीमा प्रोत्साहनका साथै तथा सहुलियत कर्जामा सहजीकरण गर्दै आइरहेको छ ׀ यस अघि एनएमबी बैंक र सिटिजन बैंकसंग सहकार्य गरिसकेको अनुभव संस्थासंग रहेको छ ׀ ३५ भन्दा बढी जिल्ला साखा रहेको रिटर्नी माइग्रेन्ट नेपालमा पच्चीस हजार बढी सदस्य रहेको बताइएको छ ׀ सम्झौताका तिनै पक्षले बैदेशिक रोजगारबाट फर्केकाहरुको क्षमता बिकास र वित्तीय साक्षरताका लागि सघाउ गर्नेछन् ׀