फागुन २४, काठमाडौँ । प्राज्ञिक विद्यार्थी परिषद्,नेपालको आठौँ राष्ट्रिय अधिवेशन यहीँ चैत्र २०, २१ र २२ गते विराटनगरमा हुने भएको छ । दलीय राजनीतिदेखि माथि रहेर विगत २५ वर्षदेखि निरन्तर रूपमा क्याम्पस तथा विश्वविद्यालयमा पढने विद्यार्थीहरूको बीचमा रचनात्मक कार्य गर्दै आईरहेको प्राज्ञिक विद्यार्थी परिषद्को आठौँ राष्ट्रिय अधिवेशन “एक संकल्प राष्ट्रका लागी” भन्ने मुल नाराका साथ यहीँ चैत्र चैत्र २०, २१ र २२ गते विराटनगरमा सम्पन्न हुन गइरहेको विद्यार्थी परिषद्ले जनाएको छ । विद्यार्थी परिषद्का अनुसार परिषद्को राष्ट्रिय अधिवेशनमा देश तथा विदेशबाट ७०० भन्दा बढी प्रतिनिधिहरूको उपस्थिति रहने र उनीहरूलाई साङगठनिक प्रशिक्षण, देशको समसामयीक अवस्थाको बारेमा बहस, देशको आर्थिक, राजनीतिक, समाजिक, शैक्षिक तथा धार्मिक क्षेत्रको विषयलाई समेटेर विशेष शैक्षिक र समसामयीक प्रस्ताव पारित गर्ने, विद्यार्थी परिषद्को केन्द्रिय कार्यकारिणी समिति परिवर्तन गर्ने जस्ता गतिविधिहरू हुने छन् । २०५२ सालमा स्थापना भएको विद्यार्थी परिषद्ले हरेक २\२ वर्षमा आफ्नो राष्ट्रिय अधिवेशन सञ्चालन गर्दै आइरहेको छ । विगत २५ वर्षदेखि काम गर्दे आईरहेको विद्यार्थी परिषद्को देशको ७७ वटै जिल्लामा कार्यसमिति निर्माण भई हाल १२० नगर इकाई, ८०० भन्दा बढी कलेजहरूमा क्याम्पस इकाई समिति रहेको विद्यार्थी परिषद्ले जनाएको छ ।