कोरोना महामारी शुरु भएदेखि मास्क मानव जीवनको अभिन्न अंग र अनिवार्य वस्तु भएको छ । दक्षिण कोरियाले नाक मात्र छोप्ने मास्क बजारमा ल्याएको छ । कोरोनाबाट जोगिन मास्कलाई मानिसको नियमित पहिरनजस्तै बनाइएको छ । संक्रमणबाट बच्ने सबैभन्दा प्रभावकारी उपाय पनि मास्क नै हो भनिएको छ । तर कतिपयले मास्क लगाउँदा श्वासप्रश्वासमा कठिनाइसमेत हुने गरेको बताएका छन् । यसलाई मध्यनजर गर्दै दक्षिण कोरियाले नाक मात्र छोप्ने मास्क बजारमा ल्याएको छ । खानपान गर्न सहज होस् र श्वासप्रश्वासमा पनि कठिनाइ नपुगोस् भन्ने उद्देश्यले नाकको प्वाल मात्र छोप्ने मास्क बनाइएको हो । यो मास्क लगाएर सजिलैसँग खाना खान सकिन्छ । “खानपिन गर्ने बेलाका लागि यो मास्क निकै उपयोगी देखिन्छ । खाने बेलामासमेत मास्क फुकाल्न पर्दैन र नाक छोपिरहन पाइन्छ ।”यस्तो अनौठो मास्क दक्षिण कोरियाली कम्पनी एटम्यानले बनाएको हो । जसले नाकको प्वाल मात्र छोप्छ । यो मास्क लगाएपछि मुख खुल्ला रहन्छ । त्यसैले यसलाई मास्क नभनी कोस्क नाम दिइएको छ ।   पूर्ण आकारमा बनाइएको उक्त मास्क फोल्ड गरेर नाक मात्र छोप्ने गरी लगाउन मिल्छ । अनौठो डिजाइनका कारण खासगरी खानपिन गर्ने बेलाका लागि यो मास्क निकै उपयोगी देखिन्छ । खाने बेलामासमेत मास्क फुकाल्न पर्दैन र नाक छोपिरहन पाइन्छ । साथै नाकमुख छोपिँदा श्वास लिन कठिन पर्नेहरुका लागि यसलाई उपयोगी मानिएको छ ।