फोन ढिलो चार्ज हुने समस्याबाट मुक्त हुन यी टिप्स अपनाउनुहोस्
१ फागुन, काठमाडौँ ।
फोनलाई घण्टौं चार्जमा राख्दा पनि ब्याट्री फुल नहुने समस्या तपाई, हामीले झेलिरहेका छौं । विभिन्न कारणले हाम्रो मोबाइल ढिलो चार्ज हुन्छ । चाहे नयाँ मोबाइल नै किन नहोस् । फोन एकैपटक चार्ज हुँदैन ढिलो हुन्छ ।
हाम्रो मोबाइलमा भएका वाइफाइ, ब्लुटुथ, जिपिएस, लोकेसनजस्ता कनेक्टिभ सेवाहरू एकैसाथ प्रयोग गर्दा अधिकांश ब्याट्री पावर यसैले खाने गर्दछ, जसले गर्दा ढिलो चार्ज हुने गर्दछ । साथै आफ्नो ल्यापटप र कम्प्युटरबाट पनि मोबाइल चार्ज गर्ने गर्दा मोबाइल ढिलो चार्ज हुन्छ । युनिभिर्सल चार्जर अथवा लोकल एडप्टरबाट मोबाइल चार्ज गर्दा पनि ढिलो चार्ज हुन्छ, साथै यसले ब्याट्रीलाई बिगार्न सक्ने सम्भावना बढी हुनुको साथै यस्तो खराब चार्जर वा एडप्टरबाट चार्ज गर्दा ब्याट्री फुल्ने समस्या पनि देखिन थाल्छ । चार्ज गरिरहेको बेलामा कल गर्ने, गीत सुन्ने अथवा नेट चलाउने जस्ता क्रियाकलापहरू गर्दा पनि ढिलो चार्ज हुने गर्दछ । यो समस्या पुरानो मात्र होइन नयाँ फोनमा पनि देखिएको छ ।
यी समस्याहरु झेल्न चाहनुुहुन्न भने यी टिप्स अपनाउन सकिन्छ । जुन यस प्रकारका छन् ।
१. फोनलाई ओरिजिनल चार्जरबाट मात्र चार्ज गर्नु पर्छ । अन्य ब्राण्डका चार्जरले फोनको चार्जिङ ढिलो हुन्छ।
२. चार्ज गर्दा फोनलाई एरोप्लेन मोडमा राख्नुस् । यसो गर्दा फोन छिटो चार्ज हुन्छ ।
३. फोन चार्ज गर्दा वाइफाइ र ब्लुटुथ कनेक्टिभिटी बन्द गर्नुहोस् ।
४. फोनमा एनएफसी मोड अफ गर्नुहोस् ।
५. फोनको ब्राइटनेस कम गर्नुहोस् । यसो गर्दा चार्ज छिटो हुन्छ ।
६. चार्ज गर्दा मोवाइल डाटा अफ गर्नुहोस् ।
७. बजारमा पाइने फास्ट चार्जरको प्रयोग पनि गर्न सकिन्छ ।