प्राज्ञिकको त्रिवि इकाई समितिको संयोजकमा सुरेन्द्र भट्टराई
२४ फागुन, काठमाडौं । सुरेन्द्र प्रसाद भट्टराईको संयोजकत्वमा प्राज्ञिक विद्यार्थी परिषद् नेपाल त्रिभुवन विश्वविद्यालय इकाई समिति पुनः गठन भएको छ । सोमबार त्रिभुवन विश्वविद्यालय व्यवस्थापन केन्द्रीय पुस्तकालयमा आयोजना गरिएको अभ्यास वर्गबाट सुरेन्द्र प्रसाद भट्टराईको संयोजकत्वमा त्रिभुवन विश्वविद्यालय कार्यसमिति गठन गरेको छ । समितिमा त्रिवि संयोजक सुरेन्द्र प्रसाद भट्टराई , सह(संयोजक सुनिल पाण्डेय, सचिव अभिमन्यु पौडेल, छात्रा प्रमुख निशा ढकाल, मिडिया प्रमुख देवराज महर्जन , कला तथा साहित्य प्रमुखमा टोपेन्द्र चलाउने लगायत २७ सदस्य कार्यसमिति गठन गरिएको विद्यार्थी परिषद्ले जनाएको छ ।
राजनीति दल भन्दा माथि रहेर कार्य गर्दै आईरहेको विद्यार्थी परिषद्ले विश्वविद्यालयमा विभिन्न रचनात्मक , संगठनात्मक कार्यक्रमहरू शैक्षिक बहस, सेमिनार, गोष्टि, अध्ययनका लागि सहयोगि कक्षाहरू, अन्य सामाजिक कार्यहरूको साथै दलिय भागबन्डा र राजनीतिक हस्तक्षेपबाट मुक्त पार्नका लागि विश्वविद्यालयमा खवरदारी गर्दै आईरहेको छ ।
अभ्यास वर्ग कार्यक्रममा विद्यार्थी परिषदका राष्ट्रिय महासचिव छितराज न्यौपाने, राष्ट्रिय संगठन सचिव नारायण प्रासद ढकाल, केन्द्रीय विशेष आमन्त्रित सदस्य एवम् त्रि. वि. व्यवस्थापन केन्द्रीय विभागका विभागीय प्रमुख प्रा. डा. रामजी गौतम,विशेष अतिथि त्रि. वि. सामाजिक कार्य विभागका विभागीय प्रमुख लक्ष्मण सुवेदी, परिषदका राष्ट्रिय सचिव नारायण तिमिल्सिना, त्रि. वि. इकाई समिति संयोजक बालबिक्रम राना, त्रि.वि.इकाई समिति सह संयोजक शोभा तिमिल्सिना लगायत विश्वविद्यालयको केन्द्रीय विभागको विभिन्न संकायमा अध्ययनरत १०० जना भन्दा बढी विद्यार्थीहरूको उल्लेख्य रूपमा उपस्थितिमा रहेको परिषद्ले जानकारी दिएको छ ।
